Rehim Sultanov - Wikipedia
Bu məqaləni vikiləşdirmək lazımdır. |
Bu məqalənin sonunda mənbə siyahısı var, lakin mətndaxili mənbələr heç və ya kifayət qədər istifadə edilmədiyi üçün bəzi məlumatların mənbəsi bilinmir. |
Rəhim Sultanməmməd oğlu Sultanov (20 iyun 1912, Ərdəbil – 2000, Bakı) — şərqşünas alim, Bakı Dövlət Universiteti Şərqşünaslıq fakültəsi Yaxın Şərq dilləri kafedrasının müdiri, professor (1972), Azərbaycan SSR əməkdar elm xadimi (1982). "Şərəf nişanı" ordeni ilə təltif olunmuşdur.
| Rəhim Sultanov | |
|---|---|
| Rəhim Sultan oğlu Sultanov | |
 | |
| Doğum tarixi | 20 iyun 1912 |
| Doğum yeri |
|
| Vəfat tarixi | 2000 |
| Vəfat yeri | |
| Dəfn yeri | |
| Mükafatları |
 |
Həyatı
redaktəRəhim Sultanməmməd oğlu Sultanov 1912-ci il iyunun 20-də Ərdəbil yaxınlığında Kəhrəlan kəndində anadan olmuşdur. Kiçik yaşlarında ikən ailəlikcə Bakıya köçmüşlər. 1939-cu ildə ADU-nun kimya fakültəsini bitirmişdir.
İkinci dünya müharibəsi illərində İranda fəaliyyəti
redaktəFars dilini mükəmməl bilən Rəhim Sultanov İkinci dünya müharibəsi illərində Qızıl Ordu sıralarında hərbi tərcüməçi və jurnalist işləmişdir.
Həmin illərdə Təbrizdə nəşr olunan Vətən Yolunda (qəzet) Qızıl Ordu qəzetində, Məşhəddə nəşr olunan Əxbar-e taze-ye ruz qəzetində, Tehranda nəşr olunan Dust-e İran qəzeti və eyniadlı jurnalda çalışaraq, antiimperialist və antifaşist təbliğatının genişlənməsində səmərəli fəaliyyət göstərmişdir.
Pedaqoji və yaradıcılıq fəaliyyəti
redaktə1950–60-cı illərdə Şərqşünaslıq fakültəsinin dekanı olmuşdur. 1950-ci ildən ömrünün axırına qədər Yaxın Şərq dilləri kafedrasının müdiri olmuşdur.
Fars dili tarixi, müasir fars dili və onun tədris metodikası üzrə tədqiqatların, ali və orta məktəblər üçün fars dili dərsliklərinin müəllifi olmuşdur.
Elmi və pedaqoji kadrlar hazırlanmasında xidmətləri vardır.
1987-ci il dekabrın 23-də Şərqşünaslıq fakültəsinin Elmi Şurasının qeniş iclasında onun anadan olmasının 75, elmi-pedaqoji və ictimai fəaliyyətinin 55 illiyi qeyd olunmuşdur.
Nəsirəddin Tusinin "Əxlaqi-Nasiri", Nizamülmülkün "Siyasətnamə", Sədinin "Gülüstan", Caminin "Baharıstan", "Qabusnamə", "Kəlilə və Dimnə" və digər klassik əsərləri Azərbaycan dilinə tərcümə etmişdir.
2000-ci ildə Bakıda vəfat etmişdir.
Əsərləri
redaktə- Sədi yaradıcılığında "Gülüstan [red. H. Əlizadə]. Bakı: Azərnəşr, 1961.
- Fars dili tədrisinin metodikası. [red. T. Rüstəmova]; Azərb. SSR Ali və Orta İxtisas Təhsili Nazirliyi, S. M. Kirov ad. ADU. Bakı, 1973.
- Nizami əsərləri dili lüğətinin tərtib prinsipləri. Bakı, 1982.
Şəxsi həyatı
redaktəQardaşları alimlər Məmmədağa Sultanov və Qədir Sultanov idi.
Mənbə
redaktə- Azərbaycan Sovet Ensiklopediyası. Bakı, 1986-cı il. səh. 71–72.
- Cavanşir Vəkilov. Azərbaycan Respublikası və İran: 40-cı illər (mədəni əlaqələr). Bakı, "Elm" nəşriyyatı, 1991-ci il. səh. 79.
