Abs Nin Birinci Xanimlarinin Siyahisi - Wikipedia

ABŞ-nin birinci xanımı Ağ Evin sahibəsi hesab olunur. Vəzifəni ənənəvi olaraq ABŞ Prezidentinin həyat yoldaşı tutur, lakin müxtəlif vaxtlarda bu titulu subay olan, dul olan, və ya həyat yoldaşı olmayan, yaxud da həyat yoldaşı bu vəzifəni yerinə yetirə bilmədiyi hallarda prezidentin həyat yoldaşı olmayan qadınlar da daşımışdır. Bu vəzifə seçilmiş bir vəzifə deyil, heç bir rəsmiyyət daşımır və buna görə maaş verilmir. Bununla yanaşı, o, prezidentlə birlikdə, yaxud onu təmsil edərək bir çox rəsmi mərasimlərə qatıla və dövlət işləri ilə maraqlana bilər. Ənənəvi olaraq, birinci xanım vəzifədə olduğu vaxt ərzində kənar işlərdə işləmir,^[1] baxmayaraq ki, Eleonora Ruzvelt yazı yazaraq və mühazirə oxuyaraq pul qazanıb və bu pulun çoxunu xeyriyyə işlərinə sərf edib,^[2] həmçinin Cill Bayden də bu müddət ərzində pedaqoq kimi işinə davam edib.^[3] Birinci xanımın Ağ Sarayın sosial katibi,^[ing.] aparat rəhbəri,^[ing.] mətbuat katibi,^[ing.] baş çiçək dizayneri,^[ing.] və baş aşpazı^[ing.] daxil olmaqla öz şəxsi heyəti var. Birinci xanımın ofisi^[ing.] Ağ Evin bütün ictimai işləri və təntənəli tədbirlərindən məsuldur və ABŞ Prezidentinin İcra Aparatının^[ing.] bir qoludur.

ABŞ-nin birinci xanımı
Vəzifədədir Cill Bayden 20 yanvar 2021-ci ildən
Müraciət forması	Madam birinci xanım
Rəsmi iqamətgahı	Ağ Ev
Vəzifədə birinci	Marta Vaşinqton
Rəsmi saytı	First Ladies
Vikianbarda əlaqəli mediafayllar

Əsas 46 birinci xanımdan əlavə, ümumi fəaliyyət göstərmiş 54 birinci xanım olub, ki, onların da 43-ü rəsmi və 11-i müvəqqəti fəaliyyət göstərib. Bu uyğunsuzluk ondan qaynaqlanır ki, bəzi prezidentlərin birdən artıq birinci xanımı olub. Co Baydenin 20 yanvar 2021-ci ildə prezident kimi vəzifəyə başlamasından sonra həyat yoldaşı Cill Bayden ölkənin 43-cü rəsmi birinci xanımı statusuna sahib oldu.

Hazırda yaşayan 4 köhnə birinci xanım var: Hillari Klinton (həyat yoldaşı: Bill Klinton), Lora Buş (həyat yoldaşı: Corc Volker Buş), Mişel Obama (həyat yoldaşı: Barak Obama) və Melanya Tramp (həyat yoldaşı: Donald Tramp). Sonuncu vəfat edən birinci xanım Cimmi Karterin həyat yoldaşı Rozalin Karter olmuşdur. İlk birinci xanım Corc Vaşinqtonun həyat yoldaşı Marta Vaşinqton olmuşdur. Prezidentlər — Con Tayler və Vudro Vilsonun iki rəsmi birinci xanımı olmuşdur, hər iki prezident də birinci prezidentlik müddəti tamamlandıqdan sonra təkrar evlənmişdirlər. Dörd prezidentin həyat yoldaşı andiçmə mərasimindən əvvəl vəfat etmişdir, amma Ağ Ev və Milli Birinci Xanımlar Kitabxanası tərəfindən onlar da birinci xanım olaraq qəbul edilirlər: Marta Cefferson (həyat yoldaşı: Tomas Cefferson),^[4][5] Reyçel Cekson (həyat yoldaşı: Endrü Cekson),^[6][7] Hanna Van Büren (həyat yoldaşı: Martin Van Buren),^[8][9] və Ellen Artur (həyat yoldaşı: Çester Artur).^[10][11] Bir prezidentlə — Ceyms Byukenen ilə evli olmadığı halda, prezidentin himayəçilik etdiyi qardaşı qızı olan Harriet Leyn də birinci xanım olaraq qəbul edilir. Ağ Evdə sahibə kimi xidmət edən digər həyat yoldaşı olmayan qohumlar Birinci Xanımlar Kitabxanası tərəfindən tanınmır.

2007-ci ildə ABŞ Zərbxanası^[ing.] Birinci Həyat Yoldaşı Proqramı^[ing.] çərçivəsində üz tərəfində birinci xanımların simaları təsvir olunan 10 dollarlıq qızıl sikkələr dəstini buraxmağa başlamışdır.^[12] Prezident həyat yoldaşı olmadan xidmət edərkən, o dövrün dövriyyədə olan sikkələrində təsvir olunduğu kimi Azadlıq embleminin üz tərəfində təsviri və həmin prezidentin həyatının mövzularını əks etdirən əks təsviri olan qızıl sikkə buraxılmışdır. Bu, Tomas Cefferson, Endrü Cekson, Martin Van Buren və Ceyms Byukenenin birinci xanımları üçün keçərlidir, ancaq Çester Arturun qadınların səsvermə hüququnu müdafiə edən sufrajist Alis Polu təsvir edən birinci xanımı üçün keçərli deyil.^[13]