Vikipediya Ana Sehife Xeberler Noyabr 2019 - Wikipedia

45. Həftə

• Britaniyanın Oksford Universitetində əl çalmaq qadağan edilib. Qərarın məqsədi isə psixoloji gərgin, autizmli və digər problemləri olan tələbələrin də seminar, görüş və müzakirələrdə iştirakını təmin etməkdir.
• Macarıstanın baş naziri Viktor Orban Türkiyənin Suriyanın şimalına müdaxiləsini dəstəkləyib.
• Böyük Britaniya polisi İngiltərənin cənub-şərqində nəqliyyat konteynerində 39 cəsəd aşkarlayıb. Onların Bolqarıstandan yük maşınında gəldiyi güman edilir.
• Çilinin paytaxtı Santyaqoda metro qiymətlərinin qalxmasına qarşı etiraz aksiyaları keçirilib.
• İspaniyanın sosialist hökuməti sabiq diktator Fransisko Frankonun (şəkildə) məzarının açılması və qalıqların köçürülməsinə icazə veriləcəyini bəyan edib.

Son ölümlər: Mari Lafore, Vladimir Bukovski, Əbu Bəkr əl-Bağdadi, Vasim Məmmədəliyev, Aleksey Leonov, Aleksey Saprıkin
bax – müzakirə et – redaktə et – tarixçə

46. Həftə

• Zimbabve Milli Ordusuna bağlı hərbiçilər ölkə paytaxtı Hararedə bir sıra strateji obyektləri ələ keçirməklə hərbi çeviriliş edib. Zimbabve prezidenti Robert Muqabe ev dustaqlığında saxlanılır.
• Sloveniyada keçirilən prezident seçkilərinin ikinci turunda hazırkı dövlət başçısı Borut Pahor qalib gəlib.
• İran İslam Respublikasının qərbində yerləşən Kirmanşah ostanında baş vermiş zəlzələ (şəkildə) nəticəsində 452 nəfər ölüb, 6.000 nəfər xəsarət alıb.
• AFFA İcraiyyə Komitəsinin iclasında Qurban Qurbanov Azərbaycan milli futbol komandasının baş məşqçisi vəzifəsinə təyin olunub.
• Nyu-York şəhərinin Manhetten səmtində yük maşınının piyadaların üzərinə sürülməsi nəticəsində azı 6 nəfər həlak olub.

Son ölümlər: Rafiq Hüseynov, Minarə Tahirova
bax – müzakirə et – redaktə et – tarixçə

47. Həftə

• İsveç prokurorluğu Culian Assanjın işi üzrə təhqiqatı dayandırıb.
• Avstriya hakimiyyəti Üçüncü Reyxin lideri Adolf Hitlerin doğulduğu Braunau şəhərindəki evdə polis bölməsi yerləşdirmək barədə qərar qəbul edib.
• Yaponiyanın və Cənubi Koreyanın Müdafiə nazirləri iki ölkə arasında kəşfiyyat məlumatlarının mübadiləsi haqqında müqavilənin uzadılması barədə razılığa gələ bilməyiblər.
• Aktyor Antonio Banderas (şəkildə) İspaniyanın Malaqa şəhərində özünün teatrını açıb.
• İranda yanacaq qiymətinin qaldırılması ölkənin bəzi şəhərlərində etirazlara səbəb olub.

Son ölümlər: Mari Lafore, Vladimir Bukovski, Əbu Bəkr əl-Bağdadi
bax – müzakirə et – redaktə et – tarixçə

48. Həftə

• Rusiyanın Baş naziri Dmitri Medvedev qeyd edib ki, Rusiya dövləti Youtube saytına qarşı məhdudiyyət qoymaq fikrində deyil.
• Gürcüstan hökuməti Mestia rayonunda yerləşən keçmiş prezident iqamətgahını elektron hərraca çıxarıb.
• Maltada iş adamı Yorgen Fenex jurnalist Dafne Karuana Qalizianın (şəkildə) iki il əvvəl qətli ilə əlaqədar aparılan istintaq çərçivəsində həbs olunub.
• Napoleon Bonapartın Müqəddəs Yelena adasında sürgündə olduğu vaxt geydiyi çəkmələr Parisdə keçirilən hərracda 117 min avroya satılıb.
• İranda etiraz aksiyaları zamanı ABŞ-ın Mərkəzi Kəşfiyyat İdarəsi ilə əlaqədə olan 8 nəfər saxlanılıb.

Son ölümlər: Yevda Abramov, Mari Lafore
bax – müzakirə et – redaktə et – tarixçə