Polad Adam Film 2013 - Wikipedia

Kripton planeti təbii resurslarının tükənməsi nəticəsində qaçılmaz məhv ilə üzləşir. Planetin hərbi komandiri General Zod hakim şuranı devirmək üçün zərbə endirməyə hazırlaşır.

Alim Cor-El və həyat yoldaşı Lara əsrlərdən sonra ilk dəfə Kriptonda təbii üsulla doğulmuş oğulları Kal-Elin doğumunu qeyd edirlər. Sivilizasiyanın məhv olmaq təhlükəsi ilə əlaqədər olaraq Cor-El kodeksi oğurlayaraq onu oğlunun bədəninə yeridir və onu gəmiyə qoyaraq Yer kürəsinə göndərir. Zod Cor-Eli öldürməyə nail olsa da, kodeksi ələ keçirməkdə uğursuz olur. O və onu ardıcılları hakim şura tərəfindən "Fantom Zona"-ya sürgün edilir. Kripton darmadağın olur, Kal-El isə sağ qalan yeganə Kriptonludur.

Kal-El Kanzas ştatının kiçik Smalliv şəhərində balıqçılıqla məşğul olur. O Conatan və Marta Kent tərəfindən övladlığa götürülüb və Klerk Kent adı verilib. Klerkin Kripton fiziologiyası ona Yer kürəsində, bu mühitə uyğunlaşmasında çətinliklər yaradır. O sahib olduğu qüvvələri, insanlara kömək etməklə istifadə edir. Conatan onu öz qüvvələrindən istifadə edərək aşkar olunacağı ilə xəbərdarlıq edərək bir daha bunları etməməsini məsləhət görür. İllər sonra böyük bir tornadoda Conatan ölür. Bu vaxt Klerk də orada olsa da, amma o, xilas olunmaq istəmir. Conatanın ölümündən sonra, Klerk öz bacarıqlarını gizlədir, fərqli işlərdə işləyir və analığı Marta ilə birgə sadə həyat yaşayır.

Klerk Kanada Arktik arxipelaqında ABŞ kosmik istintaq qrupunun taptığı Kripton kosmik gəmisini tapır. Gəmiyə daxil olarkən o, Cor-Elin onun ünsiyyət üçün şüurunda saxladığı holoqramlı "nəzarət düyməsi"-ndən istifadə edir. Bunu etdiyi vaxt Cor-EL peydə olur və onun bu dünyaya buranı xilas etmək üçün göndərildiyini deyir. Daily Planet şirkətində çalışan jurnalist Lois Len bura yeni kəşf ilə bağlı məqalə hazırlamaq üçün göndərilib. O gəmiyə gizlicə daxil olmaq istədiyi vaxt gəminin təhlükəsizlik sistemi tərəfindən hücuma məruz qalır. Orada olan Klerk səs eşidərək gəlir və robotu zərərsizləşdirir. Yaralanmış Loisə gözündən çıxan lazer vasitəsilə kömək edir və yara sağalır. Loisin redaktoru "super insan" hekayəsinə inanmır. Lois onun hekayəsini öyrəndikdən sonra bu sirri saxlamağı qərara alır.

Zod və ekipajı Kriptonun müstəmləkələri olan başqa dünyalar axtarırlar. Onlar heç kimin sağ qalmadığını və lazımlı avadanlıqların tükəndiyini aşkar edirlər. Daha sonra onlar Klerkin Yer kürəsində tapdığı gəmidən siqnal alırlar. Kodeksin Klerkdə olduğunu bilən Zod Yerə çatdıqdan sonra bir qrup insanı əsir götürərək Klerkin təslim olmasını tələb edir. Klerk bunu qəbul edir və ABŞ hərbisi Lois ilə birgə onu təslim edir. Zod kodeks ilə Yer kürəsini yeni Kriptona çevirməyi planlaşdırır. Lakin bu insanların məhvinə gətirib çıxarda bilər. Klerk və Lois Cor-Elin köməyi ilə onların gəmisindən xilas olurlar.

Zod "dünya mühərriki" sistemini qurur və onu Metropolisdə quraşdırır. O Hind okeanında başladaraq atmosferi dəyişdirəcək. Artıq Supermen adı verilən Klerk Zod ilə apardığı mübarizədə mühərriki dağıdır. Bu vaxt isə ABŞ ordusu Zodu və onun ekipajını geri Fantom Zonasına göndərmək ilə bağlı işlər görürlər. Zod xilas olur və qisas olaraq Yerdə hər bir insanı öldürəcəyini əhd edir. Supermenin bu işə qarışması Metropolisdə bir döyüşün başlamasına səbəb olur. Zod bu işindən əl çəkməyəcəyini dedikdən sonra Klerk onu öldürməli olur. Klerk sonuncu Kriptonlunu öldürdüyü üçün dərin əzabla qışqırır.

ABŞ hökuməti yadelli Supermen ilə işləməkdə könülsüzdür. O Loisin çalışdığı Daily Planet şirkətində təhlükəli xəbərlər araşdıran muxbir olaraq çalışmağa başlayır.

• Henri Kavill — Klerk Kent / Polad adam
• Emi Adams — Lois Leyn
• Maykl Şanon — General Zod
• Kevin Kostner və Diana Leyn — Conatan və Marta Kent
• Laurens Fişburn — Perri Vayt
• Rassel Krou — Cor-El
• Antce Trau = Faora
• Ayelet Zurer — Lara Lor-Van
• Kristofer Meloni — Natan Hardi/Kolonel
• Henri Lenniks — Suanvik
• Riçard Skiff — Emil Hamilton

Polad Adam filmi Şimali Amerikada 291 milyon dollar, digər ölkələrdə 377 milyon dollar ümumilikdə isə 668 milyon dollardan çox gəlir qazandı.^[4] Qazanmış olduğu gəlirə görə yalnız İnanılmaz Hörümçək Adam filmindən geri qalır.^[9]

  Əsas məqalə: Polad adam (film musiqisi)

Filmin mahnıları bəstəkar Hans Zimmer tərəfindən hazırlanıb.^[10][11]

• Filmin rəsmi saytı  (ing.)
• Filmi izlə Arxivləşdirilib 2013-09-09 at the Wayback Machine  (az.)
• Polad Adam — Internet Movie Database saytında