Eldar Agayev - Wikipedia
Eldar Əsgər oğlu Ağayev (29 sentyabr 1955, Tbilisi – 17 may 2013, Bakı) — Azərbaycanın Milli Qəhrəmanı, Birinci Qarabağ müharibəsi iştirakçısı.
| Eldar Ağayev | |
|---|---|
| Eldar Əsgər oğlu Ağayev | |
 | |
| Şəxsi məlumatlar | |
| Doğum tarixi | 29 sentyabr 1955 |
| Doğum yeri | |
| Vəfat tarixi | 17 may 2013 (57 yaşında) |
| Vəfat yeri | |
| Hərbi fəaliyyəti | |
| Döyüşlər | |
| Təltifləri |
    |
Həyatı
redaktəEldar Ağayev 1955-ci il 29 sentyabrda Gürcüstan SSR Tbilisi şəhərində hərbçi ailəsində dünyaya gəlmişdir. O, 6 yaşı olanda atasının hərbi xidmətinin başa çatması ilə əlaqədar ailəsi ilə birlikdə Bakıya köçür. 1962-ci ildə Eldar burada 20 saylı orta məktəbə getmiş, sonra təhsilini 134 saylı məktəbdə davam etdirmişdir. 1972-ci ildə Bakı Ümumqoşun komandirlər məktəbinə daxil olmuşdur. 1976-cı ildə təhsilini başa vurub motoatıcı ixtisası ilə Kalininqrad vilayətinin Qusev şəhərində hərbi xidmətə başlamışdır. O,1978-ci ildə Kamçatka yarımadasında, 1981–1984-cü illərdə Amur vilayətinin Obluçye şəhərində motoatıcı bölüyünün komandiri, 1984–1986-cı illərdə isə məhdud sovet qoşunları tərkibində Əfqanıstanda 395-ci motoatıcı taborunun kəşfiyyat rəisi, sonra isə həmin alayın kəşfiyyat bölüyünün komandiri olmuşdur. E. Ağayev Əfqanıstanda xidmətini başa vurduqdan sonra Kalininqrad şəhərinə göndərilmişdir. O, 1989-cu ilə qədər burada motoatıcı alayın kəşfiyyat rəisi vəzifəsində çalışmışdır. Bu müddətdə təhsilini davam etdirmiş, Solneçnoqorsk şəhərində Ali Zabitlər Kursunu bitirmiş, sonra xidmətini Almaniyada yerləşən Qərb Qoşun Qrupunda davam etdirmişdir. Onu əvvəlcə, 70-ci tank alayının kəşfiyyat rəisi, sonra isə Drezden 9-cu Əlahiddə Qvardiya kəşfiyyat taborunun komandiri təyin edilmişdir.
Döyüşlərdə iştirakı
redaktəErmənilər torpaqlarımıza hücum edən zaman Eldar Vətənə qayıdır. O, 1992-ci ildə Milli Ordunun tərkibində özünün yaratdığı 775-ci reyd dəstəsinin komandiri kimi fəaliyyətə başladı. Bir müddətdən sonra isə 776-cı kəşfiyyat taborunu yaratdı və onun komandiri oldu. Onun komandirlik etdiyi tabor dəfələrlə qaynar döyüşlərə atılmış və onlarla erməni quldurunu məhv etmişdi. Eldarın yaratdığı tabor 1995-ci il dövlət çevirilişinin qarşısının alınmasında da iştirak etmişdi. Bu taborun 18 əsgər və zabiti "Azərbaycanın Milli Qəhrəmanı" adına layiq görülmüşdür. O, 1997-ci ilədək həmin vəzifədə qalmışdır. Polkovnik E. Ağayev 1997-ci ildən 2000-ci ilədək Azərbaycan Texniki Universitetində hərbi kafedranın rəisi olmuş, 2000–2001-ci illərdə isə BAÜKM-nin kəşfiyyat kafedrasının rəisi vəzifəsində çalışmış, sonra isə öz şərəfli işini Ədliyyə Mazirliyində Məhkəmə Qərarlarının icrası Baş İdarəsinin təlim–tədris mərkəzinin rəis müavini vəzifəsində davam etdirmişdir.
17 may 2013-cü ildə vəfat etmişdir.[1]
Ailəsi
redaktəAiləlidir, bir övladı var.
Milli Qəhrəman
redaktəSovetlər birliyi zamanı "Qırmızı Ulduz", "İgidliyə görə" ordenləri ilə təltif olunub. Qarabağ döyüşlərində iştirak etdiyi üçün "Azərbaycan Bayrağı" ordeni ilə təltif olunub.
Azərbaycan Respublikası prezidentinin 4 aprel 1995-ci il tarixli 307 saylı fərmanı ilə Ağayev Eldar Əsgər oğluna "Azərbaycanın Milli Qəhrəmanı" adına layiq görülmüşdür.
İstinadlar
redaktə- ↑ "Milli Qəhrəman vəfat edib". 2013-06-08 tarixində orijinalından arxivləşdirilib. İstifadə tarixi: 2013-05-17.
Ədəbiyyat
redaktə- Əsgərov V. Ağayev Eldar Əsgər oğlu //Əsgərov V. Azərbaycanın Milli Qəhrəmanları.- B., 2005.- S. 223–224.
- Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 23–24.
Xarici keçidlər
redaktə- [https://web.archive.org/web/20141022094500/http://zengilan.com/qehreman.php?subaction=showfull&id=1200921117&archive=&start_from=&ucat=10& Arxivləşdirilib 2014-10-22 at the Wayback Machine Eldar Ağayev Əsgər oğlu]
- Eldar Ağayev Arxivləşdirilib 2016-03-05 at the Wayback Machine
