Afaq Melikova - Wikipedia

Afaq xanım 1947-ci il yanvar ayının 18-də Bakıda anadan olub. Uşaqlığı müharibədən sonrakı çətin illərə təsadüf edib. Kiçik Afaq elə uşaqlıqdan eşitdiyi musiqiləri dodaqaltı zümzümə edir, rəqs etməyi sevirdi. Qızlarının rəqsə hədsiz marağını görən valideynləri onu Bakı Xoreoqrafiya Məktəbinə təyin edirlər.

Leyla Vəkilovadan dərs alan gənc xanım istedadı sayəsində xalq artisti adına qədər yüksəlir.

Afaq Süleyman qızı 1963–1974-cü illərdə Azərbaycan Dövlət Mahnı və Rəqs Ansamblının solisti olmuşdur. 1974-cü ildən Azərbaycan Dövlət Rəqs Ansamblının solisti və məşqçi pedaqoqudur. Azərbaycan xalq rəqslərinin ifaçısı olan Afaq xanımın repertuarına Şərq xalqları rəqsləri də daxildir.

Bir sıra xarici ölkədə (Türkiyə, MƏR, Polşa, Fransa, İngiltərə, Kanada, Portuqaliya, Almaniya, İspaniya və s.) çıxış etmişdir.

1982-ci ildən Dövlət Rəqs Ansamblının bədii rəhbəri vəzifəsində çalışır.

• "Azərbaycan SSR əməkdar artisti" fəxri adı — 11 aprel 1975
• "Azərbaycan SSR xalq artisti" fəxri adı — 11 yanvar 1978^[1]
• "Şöhrət" ordeni — 28 dekabr 2001
• "Şərəf" ordeni — 16 may 2017^[2]

2017-ci ildə İctimai televiziyada istehsal edilmiş Afaq Məlikova. Rəqs dünyam mənim adlı qısametrajlı sənədli televiziya filmi həsr olunmuşdur.

• Afaq Məlikovanın ad günü ^{[ölü keçid]}
• Xoreoqraf Şəhriyar Cəfərov: "Milli folklor rəqslərimiz uçurum astanasındadır" ^{[ölü keçid]}
• Şəhriyar Cəfərov: "Bu ölkədə vətənpərvərlik yad janra çevrilib"

• Afaq Məlikovanın quruluşunda Vağzalı rəqsi
• Səda — Milli və klassik rəqs üzrə birinci beynəlxalq musabiqə keçirilib (16. may 2016)