19 yanvar 2017-ci ildə Kqasvane Cənubi Afrika Premyer Divizionu təmsilçisi olan Baroka klubu ilə üç illik müqavilə imzalamışdır.[4][5] O, klub ilə debütünü 18 mart 2017-ci ildə Kayzer Çifs klubuna qarşı oyunda etmişdir. O, 90 dəqiqə meydanda mübarizə aparmışdır. Premyer Divizion görüşündə Baroka rəqibi ilə 2-2 hesabı ilə bərabərə qalmışdır.[6] Kqasvane karyerasında ilk qolunu 16 sentyabr 2017-ci ildə Fri Steyt Stars klubuna qarşı oyunda vurmuşdur. O, 84-cü dəqiqədə qolla yadda qalmış və komandası rəqibinə 1-0 hesabı ilə qalib gəlmişdir.[7] 27 fevral 2018-ci ildə Keyptaun Siti klubuna qarşı oyunda Mfo dublla yadda qalmışdır.[8][9] 2018-ci ilin dekabr ayında Kqasvane Baroka klubu ilə olan müqaviləsinə qarşılıqlı xitam vermişdir.[10]Killerplas nəşrinə görə, Botsvana təmsilçisi olan Orapa Yunayted hücumçuya təklif göndərsə də, o, xaricdə oynamağa üstünlük vermişdir.[11]
26 yanvar 2019-cu ildə Kqasvane Azərbaycan Premyer Liqası təmsilçilərindən olan "Zirə" klubu ilə altı ay üstəgəl bir illik müqavilə imzalamışdır.[12] Kqasvane klubu ilə debütünü 2 fevral 2019-cu ildə "Sabah" klubuna qarşı oyunda etmişdir. O, 63-cü dəqiqədə Dilan Duventrunu əvəz etmişdir. Azərbaycan Premyer Liqası görüşündə Zirə rəqibinə 0-2 hesabı ilə məğlub olmuşdur.[13] Mfo nəinki "Zirə" klubunun, ümumiyyətlə Azərbaycan Premyer Liqasının tarixinə ilk Botsvana təmsilçisi kimi düşüb. Botsvana futbolçusunun klubda oynadığı 23-cü ölkədir. Mfo klubun heyətində meydana çıxan sayca 65-ci, legionerlər siyahısında isə 31-ci olub.[14] O, klub ilə ilk qolunu 24 fevral 2019-cu ildə "Sumqayıt" klubuna qarşı oyunda vurmuşdur. O, 23-cü dəqiqədə qolla yadda qalmış və komandası rəqibinə 1-0 hesabı ilə qalib gəlmişdir.[15] Kqasvane "Zirə" klubunun heyətində Premyer Liqada qol sevinci yaşayan 31-ci futbolçudur. Kqasvane klubda qol vuran 17-ci legioner və ilk Botsvana təmsilçisidir.[16] O, 6 aprel 2019-cu ildə "Neftçi" klubuna qarşı oyunda dublla yadda qalmış, lakin komandası rəqibinə 2-4 hesabı ilə məğlub olmuşdur.[17] Onun vurduğu ikinci qol yubiley xarakteri daşıyıb. Penaltini dəqiq yerinə yetirən Mfo "Zirə" klubunun tarixinin 200-cü qolunun müəllifi olub.[18] 10 iyun 2019-cu ildə Kqasvane "Zirə" klubu ilə iki illik yeni müqavilə imzalamışdır.[19]
Kqasvane Botsvana millisi ilə debütünü 25 mart 2015-ci ildə Lesoto millisinə qarşı oyunda etmişdir. O, 45-ci dəqiqədə qolla yadda qalmış və 80-ci dəqiqədə Erik Molefi ilə əvəz olunmuşdur. Yoldaşlıq görüşündə Botsvana millisi rəqibinə 2-0 hesabı ilə qalib gəlmişdir.
↑""Zirə"dən 200-cü qol". facebook.com (Azerbaijani). Zira FC Facebook. 7 April 2019. 28 July 2023 tarixində arxivləşdirilib. İstifadə tarixi: 12 June 2019.
Zirə
Vikianbarda əlaqəli mediafayllar
Lesoto
