Sema Ramazanoglu - Wikipedia
Səma Ramazanoğlu (25 avqust 1959, Dənizli) — Türk həkim və siyasətçisi, Türkiyə Respublikasında keçmiş Ailə və Sosial Siyasətlər naziri.
| Səma Ramazanoğlu | |
|---|---|
| türk. Sema Ramazanoğlu | |
.png) | |
Türkiyənin Ailə və Sosial Siyasətlər naziri | |
| 28 avqust 2015 – 24 noyabr 2015 | |
| Baş nazir | Əhməd Davudoğlu |
| Seçki dairəsi | Dənizli (2015, noyabr) |
| Əvvəlki | Ayşən Gürcan |
| Sonrakı | Fatma Betül Sayan Kaya |
Türkiyə Böyük Millət Məclisinin 26-cı dövr millət vəkili | |
| 17 noyabr 2015 – 24 iyun 2018 | |
| Şəxsi məlumatlar | |
| Doğum adı | Sema Bostancı |
| Doğum tarixi | 25 avqust 1959 (65 yaş) |
| Doğum yeri | |
| Milliyyəti | türk |
| Vətəndaşlığı |
 Türkiyə |
| Partiya | Ədalət və İnkişaf Partiyası |
| Təhsili | Ankara Universiteti |
| İxtisası | həkim, siyasətçi |
| Fəaliyyəti | siyasətçi, həkim, cərrah |
| Həyat yoldaşı | İldırım Mehmet Ramazanoğlu |
| Ailəsi | Səlma Aliyə Kavaf (bacısı) |
 Vikianbarda əlaqəli mediafayllar | |
4 noyabr 2015-ci il - 24 may 2016-cı il tarixləri arasında Türkiyənin 64-cü hökumətində Türkiyə Respublikası Ailə və Sosial Siyasətlər naziri vəzifəsində çalışıb.[1] O, ilk dəfə 2015-ci ilin noyabrında Türkiyədə keçirilən ümumi seçkilərdə Dənizlidən millət vəkili olaraq parlamentə seçilib.
Ramazanoğlu deputat və nazir olmazdan əvvəl 2003-2009-cu illərdə keçmiş baş nazir və Ədalət və İnkişaf Partiyası lideri Rəcəb Tayyib Ərdoğanın məsləhətçisi olub. O, həm də Ədalət və İnkişaf Partiyasının qurucularındandır. Bacısı Səlma Aliyə Kavaf da 2009-2011-ci illərdə Ədalət və İnkişaf Partiyasından nazir olub.
Erkən həyatı və təhsili
redaktəSəma Ramazanoğlu 25 avqust 1959-cu ildə Dənizlidə Niyazi və Gülsərən Bostancı cütlüyünün qızı olaraq dünyaya gəlib. İlk və orta təhsilini Dənizlidə başa vurduqdan sonra 1983-cü ildə Ankara Universiteti tibb fakültəsini bitirmişdir. Təhsilini başa vurduqdan sonra müxtəlif səhiyyə ocaqlarında həkim işləyib. O, İsveçrənin Bern Universitetinin xəstəxanasında və doğum evində radiologiya üzrə rezidenturanı bitirib.[2]
Türkiyəyə qayıtdıqdan sonra müxtəlif xəstəxanalarda rentgenoloq mütəxəssisi kimi fəaliyyətini davam etdirib. Doktoranturasını Zeynep Kamil və Nümunə xəstəxanalarında davam etdirib. 28 fevral dövründə işlədiyi Heydərpaşa Nümunə Xəstəxanasında hicab problemi yaranınca 1998-ci ildə işlədiyi xəstəxanadan istefa verərək öz klinikasını açdı.[3]
Erkən siyasi karyerası
redaktəƏdalət və İnkişaf Partiyası dövrü
redaktəRamazanoğlu ailə dostu Rəcəb Tayyib Ərdoğanın AK Partiyasını qurmasından sonra partiyanın qurucu əsas üzvlərindən biri olub. Prezident Rəcəb Tayyib Ərdoğanın baş nazir olduğu dövrdə Mərkəzi Qərar Heyəti sədrinin müşaviri və üzvü vəzifələrində çalışıb. Ardıcıl iki dövr Ədalət və İnkişaf Partiyasının Mərkəzi Qərar Heyətinin üzvü olaraq partiyada mühüm vəzifələr icra edib.[4]
Ramazanoğlu 2015-ci ilin noyabrında Türkiyədə keçirilən ümumi seçkilərdə AK Partiya Dənizli millət vəkili olaraq ilk dəfə TBMM-nə daxil olub.
Ailə və Sosial Siyasətlər nazirliyi (2015 - 2016) dövrü
redaktə24 noyabr 2014-cü ildə Baş nazir Əhməd Davudoğlu tərəfindən hazırlanıb təqdim edilən və Prezident Rəcəb Tayyib Ərdoğan tərəfindən təsdiq edilən 64-cü hökumət kabinetində Ailə və Sosial Siyasətlər naziri vəzifəsinə təyin edilib.
Müzakirələr
redaktəEnsar vəqfi
redaktə45 uşağın zorlandığı təcavüz qalmaqalından sonra Ensar vəqfi; "Karamanda ilk hadisə üzə çıxan kimi nazirliyimiz hüquqi müstəvidə işə qarışdı, bunun bir dəfə baş verməsi onu ləkələmək üçün əsas deyil” dedi.[5][6] Müxalifət partiyaları, baş nazir və prezidentin də tərəf olduğu bu bəyanat Türkiyədə müzakirələrə səbəb oldu.
Qadın haqları
redaktəSəma Ramazanoğlu qadın problemləri, o cümlədən Türkiyə və İslam ölkələrində qadınların sosial problemləri ilə bağlı bir çox milli və beynəlxalq tədbirlərdə Ədalət və İnkişaf Partiyasını təmsil edib, aylıq “Qadın və Ailə” jurnalı üçün məqalələr yazıb. 2005-ci ildən baş ofisi Səudiyyə Ərəbistanının Ciddə şəhərində yerləşən İslam İnkişaf Bankının Müdrik Qadınlar Məsləhət Şurasının təsisçisi və fəal üzvüdür. Bu çərçivədə o, Beynəlxalq İslam İnkişaf Bankının Qadın və Ailə ilə bağlı layihələrinin bütün təklif, planlaşdırma və icra mərhələlərində Prezidentin fəxri müşaviri kimi fəaliyyət göstərmişdir.[7]
Nyu-Yorkda Birləşmiş Millətlər Təşkilatı nəzdində CEDAW (Qadınlara Qarşı Ayrı-seçkiliyin Aradan Qaldırılması üzrə Konvensiya) təsisatının fəal iştirakçısı olaraq Türkiyə ilə bağlı hesabatların təqdimatına öz töhfəsini vermiş və rəhbərlik etmişdir. Müasir dünyada Qadınlara dair ortaq siyasi səylər çərçivəsində müxtəlif mövzularda müxtəlif beynəlxalq simpoziumların fəal iştirakçısı olmuşdur.[7]
Şəxsi həyatı
redaktəİki bacısından biri olan Səlma Aliyə Kavaf da özü kimi siyasətçidir.[8] Səma Ramazanoğlu siyasətçi İldırım Mehmet Ramazanoğlu ilə evlidir və iki övladı var.[9] Alman və ingilis dillərini bilir.[10]
İstinadlar
redaktə- ↑ "Sema Ramazanoğlu kimdir?". 25 Kasım 2015 tarixində arxivləşdirilib.
- ↑ "Arşivlenmiş kopya". 6 Nisan 2016 tarixində arxivləşdirilib.
- ↑ http://www.biyografi.info/kisi/sema-ramazanoglu (#bare_url_missing_title). 29 Mart 2016 tarixində arxivləşdirilib.
- ↑ "Arşivlenmiş kopya". 14 Nisan 2016 tarixində arxivləşdirilib.
- ↑ "Bir kere olması karalamak için gerekçe olamaz". 2016-04-17 tarixində arxivləşdirilib. İstifadə tarixi: 2023-05-16.
- ↑ "Aile Bakanı'na bak... "Bir kere olması karalamak için gerekçe olamaz"". 2016-04-25 tarixində arxivləşdirilib. İstifadə tarixi: 2023-05-16.
- ↑ 1 2 http://www.uskudarses.com/haber/sema-ramazanoglu-kimdir-sosyal-politikalar-bakani-sema-ramazanoglu-biyografisi-aydin-ses-ajansi-78550.html[ölü keçid]
- ↑ "Gülseren Bostancı'nın üç kızından ikisi bakan oldu". (#archive_missing_date) tarixində arxivləşdirilib.
- ↑ "Sema Ramazanoğlu 6 Yıl Sonra Kardeşinin Koltuğuna Oturdu". 26 Kasım 2015 tarixində arxivləşdirilib.
- ↑ "Arşivlenmiş kopya". 25 Nisan 2016 tarixində arxivləşdirilib.
