Celaleddin Suyuti - Wikipedia
Cəlaləddin Süyuti (ərəb. جلال الدين السيوطي; 11 oktyabr 1445[1], Qahirə, Misir, Məmlük dövləti – 17 oktyabr 1505[1], Qahirə, Misir, Məmlük dövləti), (tam adı:Hafiz Cəlaləddin Əbdürrəhman bin Əbu Bəkr Süyuti) — sünni və Şafii alimi.
| Əl-Cahiz | |
|---|---|
| Cahiz, əl-Cahiz Əbu Osman Əmr ibn Bəhr | |
| Doğum tarixi | 11 oktyabr 1445[1] |
| Doğum yeri | |
| Vəfat tarixi | 17 oktyabr 1505[1] (60 yaşında) |
| Vəfat yeri | |
| Fəaliyyəti | mühəddis, tarixçi, coğrafiyaşünas, müfəssir |
| İstiqamət | şaziliyyə |
 Cəlaləddin Süyuti Vikimənbədə | |
 Vikianbarda əlaqəli mediafayllar | |
Haqqında
redaktəCəlaləddin Süyuti hədisşünaslıq, tarix, təfsir və digər elmlərə dair çoxlu əsərlərin müəllifidir. O, "əd-Durrul-Mənsur fi Təfsiril-Məsur" adlı mühüm təfsirin və həmçinin "Əl-İtqan Fi Ulumil-Quran" adlı Quran elmləri haqqında ən əhatəli kitabın müəllifidir.
Peyğəmbər zamanında da bidətin olması haqqında
redaktəPeyğəmbər zamanındakı bidətlərə nəzər salarkən, onların yaranma səbəblərini də öyrənmək mümkündür. Peyğəmbərin zamanında səhabələrdən üç nəfər Quranın haramlardan çəkinmək barədə ayələrini eşitdikdən sonra zahidliyə başladı. Onlardan biri söz verdi ki, bundan sonra ət xörəyi yeməyəcək. O birisi bir daha öz həyat yoldaşına yaxınlaşmayacağına, digəri də bir daha öz yatağında yatmayacağına and içdi. Peyğəmbərimiz bundan xəbər tutanda xütbə əsnasında buyurdu: "Sizlərdən bir dəstəyə nə olub ki, bu cür sözlər danışır? Mən həm oruc tutur, həm də iftar edirəm. Həm yatır, həm də oyaq qalıram. Ət xörəyi yeyirəm, həyat yoldaşlarımla da yaşayıram. Hər kim mənim sünnəmdən üz çevirsə, məndən deyil"[2] Məşhur təfsir alimi Cəlaləddin Süyuti "Əd-Dürrül-mənsur fit-təfsiri bil-məsur" əsərində bu mövzu ilə bağlı çoxlu hədis rəvayət edir. Həmin rəvayətlərdən məlum olur ki, bu cür ifrat yol tutmuş səhabələrdən biri də Osman ibn Məzun olmuşdur. O, gündüzlər oruc tutur, gecələr ibadət edir, guşənişin olub öz ailəsindən kənar gəzirdi. Həyat yoldaşı onun bu vəziyyətindən Peyğəmbərə şikayət etdikdə Allahın Rəsulu Osmanı danlayaraq bu işdən çəkindirdi: "Ey Osman! Bizim dinimizdə rahiblik yoxdur! Məgər mən sənə nümunə deyiləmmi? Allaha and olsun, sizin aranızda Allahdan ən çox qorxan və dinin qadağalarını ən çox qoruyan mənəm".[3]
Həmçinin bax
redaktəİstinadlar
redaktə- ↑ 1 2 3 4 Bell A. al-Suyūṭī // Encyclopædia Britannica (brit. ing.). Encyclopædia Britannica, Inc., 1768.
- ↑ Süyuti. Əd-Dürrül-mənsur fit-təfsiri bil-məsur, Qahirə, 2002, 5-ci cild, s.421.
- ↑ Süyuti. Əd-Dürrül-mənsur fit-təfsiri bil-məsur, Qahirə, 2002, 5-ci cild, s.430.
