Wirecard - Wikipedia

Wirecard AG, 2006 maliyyə ili konsolidasiya illik gəlirlərini 81,94 milyon avro olaraq bildirmişdir. Bu rəqəm 55,5 milyon avro olan bir əvvəlki ilə aid təxmini rəqəmlə müqayisədə, təxminən 47% bir böyüməyi göstərirdi. Vergi və faiz əvvəli müəssisə gəlirləri, 2006-ci ildə təxminən  90% artaraq, 2005 maliyyə ilindəki 9,8 milyon avro dəyərindən, 2006-ci ildə 18,56 milyon avroya yüksəlmişdir (Annual Report 2006).

Wirecard AG, 18 Sentyabr 2006-ci ildən bu yana, Deutsche Börse (Almaniya Birjası) TecDAX indeksinə kote edilmişdir və DAX-a bağlı ən böyük 30 alman texnologiya şirkətinin arasında iştirak etməkdədir. Wirecard 31 dekabr 2006 etibarilə, Deutsche Börse AG, TecDAX sıralamasında, bazar dəyəri böyüklüyündə 15-ci sıraya, gəlir həcmində də 18-ci sıraya yerləşmişdir. Səhm başına düşən adi qazanc ilə dəyər artımı halındakı qazanc, 2005 maliyyə ilindəki 0,13 avro dəyərindən, 2006 maliyyəilində 0,20 avroya yüksəlmişdir.

Noyabr 2006-cı ildə Wirecard, İnternetdən ödəmə xidməti olan "Wirecard"-ı xidmətə gətirmişdir. Onlayn yeni müştərilər Wirecard Bankdan hesab açaraq, hesablarına nağd olaraq, kartla, birbaşa ödənişlə, köçürmə yolu ilə və bir çox digər yerli ödəmə üsulu ilə pul köçürə bilir. Bu məhsul, istehlakçıların dünyanın hər yerindəki milyonlarla MasterCard qəbul edən iş yerindən alış-veriş edə biləcəkləri, pulsuz, ön ödəməli virtual bir MasterCard-ı da daxildir. Standart MasterCard məhsullarının yanında, Wirecard sistemi, beynəlxalq istifadəçilərin bir-birlərinə real vaxtda pul göndərə bilməsini də təmin etməkdədir. İstəyə bağlı olaraq verilən fiziki MasterCard ilə istifadəçilər dünya səviyyəsində MasterCard qəbul edən 24,7 milyon fiziki nöqtədə ödəmə edə bilər və 1 milyona yaxın bankomatdan nağd çəkə bilərlər.

Wirecard-in elektron ödəmə əməliyyatları və risklərin idarə edilməsi platforması, 85-i aşan yerli və beynəlxalq ödəmə və saxtakarlığa qarşı qorunma proqramını dəstəkləyir. Wirecard AG, ADP CardClear ilə IATA-ya da üzvdür.

Wirecard-ın Təchizatçı və Komissiya Ödənişləri (SCP) məhsulu, təchizatçıların və satış acentelərinin ödəmələrinə bağlı qlobal və avtomatik mübadilə xidməti təmin etməkdədir. Bu xidmət Wirecard Bank AG-nin avtomatik olaraq "virtual" kredit kartları ixrac etməsini əsas alır. Xaricə göndərilməsi lazım olan tədarükçü və ya komissiya ödəmələrinə (məs. Otellərin səyahət acentelərinə göndərdikləri vasitəçilik ödənişləri), bağlı pul köçürmələri və mübadiləsi "virtual" kredit kart nömrələrinin tək və məhdud istifadəsi ilə elektron olaraq həyata keçirilir.

Wirecard Bank AG, korporativ müştərilərinə Visa, MasterCard və JCB kart qəbul xidmətləri də təqdim edir. Fərdi və korporativ müştərilər üçün müxtəlif növlərdə kredit və bankomat kartları ixrac edilməkdədir.

Wirecard Bank AG, 1 yanvar 2006-cı ildən bu yana, Wirecard Qrupuna daxildir. Tam bankinq lisenziyasına malik olan Wirecard Bank, həmçinin VISA, MasterCard və JCB-nin də əsas üzvüdür. Bankın statusu, Alman Banklar Birliyi Əmanətlərin Qoruma Fondunun (Einlagensicherungsfonds deutscher Banken e.V) zəmanəti altındadır.

Wirecard Bank ötən günlərdə 3 ölçülü virtual dünya olan Second Lifədə da virtual filial açmışdır.

• PC Magazine: Wirecard Explains How Virtual Banking Will Work Arxivləşdirilib 2007-05-31 at the Wayback Machine

• Rəsmi saytı