Mirhesen Seyidov - Wikipedia
Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Mirhəsən Mirheydər oğlu Seyidov (15 iyul 1989, Sumqayıt) — Neftçala Rayon İcra Hakimiyyətinin başçısı (05 mart 2020 – h.h), İrəli İctimai Birliyinin keçmiş sədri (2014–2020).
| Mirhəsən Seyidov | |
|---|---|
 | |
Vəzifədədir | |
| 5 mart 2020-ci ildən | |
| Əvvəlki | İsmayıl Vəliyev |
| 27 iyun 2014 – 19 may 2020 | |
| Əvvəlki | Rauf Mərdiyev |
| Sonrakı | Şahin Rəhmanlı |
| Şəxsi məlumatlar | |
| Doğum tarixi | 15 iyul 1989 (35 yaş) |
| Doğum yeri | |
| Təhsili |
|
| Fəaliyyəti | İrəli (ictimai birlik) |
|
|
|
| Təltifləri |
|
 Vikianbarda əlaqəli mediafayllar | |
Həyatı
redaktəMirhəsən Seyidov 15 iyul 1989-cu ildə Sumqayıt şəhərində anadan olub. 1995-ci ildən etibarən Bakı şəhəri 287 nömrəli "Zəkalar" liseyində təhsil almağa başlayıb. 2006-cı ildə orta məktəbi bitirib. Elə həmin il Azərbaycan Universitetinin Vergi və Vergitutma fakültəsinə yüksək göstərici ilə daxil olub. 2010-cu ildə ali təhsilin bakalavr pilləsini bitirib. [1]Təhsilini davam etdirən Mirhəsən Seyidov 2012–2014-cü illərdə Azərbaycan Dövlət İqtisad Universitetinin Beynəlxalq biznes MBI magistr dərəcəsi əldə edib. 2010 −2011-ci illər ərzində hərbi xidmətini başa vurmuşdur.
İctimai fəaliyyəti
redaktəİctimai fəaliyyətinə 2005-ci il iyun ayında Azərbaycan Respublikası Gənclər Təşkilatları Milli Şurasında başlamış, sentyabrdan etibarən isə Gənclər üçün resurs mərkəzlərində könüllü olaraq fəaliyyət göstərmişdir. 2006-cı il yanvar ayından etibarən Azərbaycan Respublikası Gənclər Təşkilatları Milli Şurası (ARGTMŞ)–da Regionlarla iş üzrə departament sədri vəzifəsini daşımışdır və region layihələrinin idarə olunması, yerli gənclər və idman idarələri ilə iş, yerli təhsil idarələri-universitet və məktəblərdə layihələrin keçirilməsi, region hesabatların hazırlanması kimi işləri həyata keçirmişdir. 2007-ci il iyul ayından eyni təşkilatda Layihələrlə iş üzrə departament sədri kimi fəaliyyət göstərmişdir.2009-cu il may ayından Dünya Türk Gəncləri Birliyində Azərbaycan nümayəndə heyətinin rəhbəri seçilmişdir. Dekabr ayından etibarən isə Azərbaycan Respublikası Gənclər Təşkilatları Milli Şurası (ARGTMŞ)-da baş katib müavini olaraq ictimai fəaliyyətinə davam etmişdir.2012-ci ilin fevral ayından başlayaraq Avroviziya Mahnı Müsabiqəsinin Azərbaycandakı rəsmi Fan Klubuna rəhbərlik edib. 2012 May Azərbaycanda Avropa Hərəkatında İdarə Heyətinin üzvü olmuş, 2012-ci il İyul ayında Azərbaycan Respublikası Gənclər Təşkilatları Milli Şurasında sədr müavini vəzifəsində çalışıb. 2014-cü il 27 iyun tarixində gənclərin səsverməsi nəticəsində "İRƏLİ" İctimai Birliyinin sədri seçilib. 2015[2]-ci il 29 may tarixində Azərbaycan Respublikasının Milli Məclisinin "İctimai televiziya və radio yayımı haqqında" Azərbaycan Respublikası Qanununun 17.2–17.4-cü və 17.6-cı maddələrinə əsasən İctimai TV (Azərbaycan) 6 il müddətinə Yayım Şurasının üzvü seçilmişdir.[3]
2007-ci ildən başlayaraq 35-ə yaxın xarici ölkədə keçirilən beynəlxalq tədbirlərdə, o cümlədən Avropa Parlamenti, Avropa Şurası, Birləşmiş Millətlər Təşkilatlarının Uşaq Fondu (UNICEF), Avropa İttifaqının, Avropa Gənclər Forumu, Birləşmiş Millətlər Təşkilatının İnkişaf Proqramı (UNDP), Avropa Gənclər Fondunun bir çox tədbirlərində Azərbaycanı təmsil edib. Yodlaşdırılmış duz, Sağlam həyat tərzi, Ekoloji maarifləndirmə, Azərbaycan Gənclər Siyasəti üzrə həmyaşıd təlimçi kimi fəaliyyət göstərib.
MirHəsən Seyidov 2 fevral 2017-ci il Gənclər günü münasibətilə Azərbaycan Respublikası Konstitusiyasının 109-cu maddəsinin 32-ci bəndinə əsasən ictimai fəaliyyət sahəsində fərqləndiyinə görə Azərbaycan Respublikasının prezidenti İlham Əliyev tərəfindən mükafatlandırılmışdır[4]. 2017-ci il 4 mart tarixində Prezident İlham Əliyev tərəfindən verilmiş sərəncama əsasən Azərbaycan Gənclər Fondunun Müşahidə Şurasının üzvü təyin edilmişdir[5]. 2017-ci il 21 sentyabr tarixindən Azərbaycan Respublikası Təhsil Nazirliyinin Müşahidə Şurasının üzvüdür. 2018-ci ilin 8 yanvarından etibarən Mirhəsən Seyidov Azərbaycan Milli Karate Federasiyasının İdarə heyətinin qərarı ilə baş katibi vəzifəsinə təyin olunmuş[6], və səs çoxluğu ilə idarə heyətinin üzvü seçilmişdir. 2019-cu ilin 13 oktyabr tarixindən etibarən Türk Şurası Gənclər Platformasının Prezidenti vəzifəsinə seçilmiş, 2019-cu ilin 22 oktyabr tarixindən etibarən isə Azərbaycan Respublikası Ekologiya və Təbii Sərvətlər Nazirliyi İctimai Şura üzvü vəzifəsinə seçilmişdir.[7]
İctimai fəaliyyəti dövründə onlarla vətənpərvərlik istiqamətində layihələr həyata keçirmiş, Azərbaycan gəncliyini beynəlxalq müstəvidə təmsil etmişdir.
2020-ci il 5 mart tarixində Prezident İlham Əliyev tərəfindən verilmiş sərəncama əsasən, Mirhəsən Mirheydər oğlu Seyidov Neftçala Rayon İcra Hakimiyyətinin başçısı təyin edilmişdir.[8]
Neftçala rayonunda fəaliyyəti dövrü ərzində, Azərbaycan Respublikasının Prezidenti İlham Əliyev və ölkənin birinci xanımı Mehriban Əliyeva 18 aprel 2023-cü il tarixi səfərində Bankə qəsəbə 2 saylı tam orta məktəbin, Neftçala Olimpiya İdman Kompleksinin,Neftçala-Kürkənd-2 nömrəli Mayak avtomobil yolunun açılışında iştirak etmiş və Neftçalanın Yenikənd kəndində “Azerbaijan Fish Farm” MMC-nin Nərə Damazlıq Təsərrüfatında yaradılan şəraitlə tanış olmuşdular. [9][10][11][12][13]
16 yanvar 2024-cü il tarixində Azərbaycan Respublikasının Prezidenti İlham Əliyevin Neftçala rayonuna növbəti səfəri baş tutmuşdur. [14] Prezident, Neftçala şəhərinin içməli su təchizatı sistemlərinin istismara verilməsi tədbirində iştirak etmişdir. [15]
Mirhəsən Seyidov, Azərbaycan Respublikası Prezidenti İlham Əliyevin 2024-cü il 2 fevral tarixli 4289 nömrəli Sərəncamı ilə “Heydər Əliyevin 100 illiyi (1923–2023)" yubiley medalı ilə təltif edilib. [16]
İstinadlar
redaktə- ↑ "Azərbaycan Universitetinin Məzunları | Azərbaycan Universiteti". au.edu.az (az.). İstifadə tarixi: 2025-01-07.
- ↑ "Mirhəsən Seyidov İRƏLİ-nin yeni sədri seçildi". Qafqazinfo (az.). 2014-06-27. İstifadə tarixi: 2025-01-07.
- ↑ "Arxivlənmiş surət". 2022-07-07 tarixində arxivləşdirilib. İstifadə tarixi: 2015-09-21.
- ↑ "Azərbaycanın 6 gəncinə Prezident mükafatı veriləcək - SİYAHI | Report.az". report.az. İstifadə tarixi: 2025-01-07.
- ↑ "Prezident İlham Əliyev Gənclər Fondunun Müşahidə Şurasının üzvlərini təyin edib". azertag.az (az.). İstifadə tarixi: 2025-01-07.
- ↑ "Arxivlənmiş surət". 2020-02-21 tarixində arxivləşdirilib. İstifadə tarixi: 2023-04-28.
- ↑ "İctimai Şuraya üzvlər seçilib | Azərbaycan Respublikası Ekologiya və Təbii Sərvətlər Nazirliyi". eco.gov.az (az.). İstifadə tarixi: 2025-01-07.
- ↑ "M.M.Seyidovun Neftçala Rayon İcra Hakimiyyətinin başçısı təyin edilməsi haqqında Azərbaycan Respublikası Prezidentinin Sərəncamı". president.az. 2020-03-05. 2021-12-06 tarixində arxivləşdirilib. İstifadə tarixi: 2020-03-05.
- ↑ "İlham Əliyev və birinci xanım Mehriban Əliyeva Neftçala rayonunda yeni inşa olunan məktəbin açılışında iştirak ediblər » Azərbaycan Prezidentinin Rəsmi internet səhifəsi". president.az (az.). İstifadə tarixi: 2025-01-07.
- ↑ "İlham Əliyev və birinci xanım Mehriban Əliyeva Neftçala rayonuna səfər ediblər » Azərbaycan Prezidentinin Rəsmi internet səhifəsi". president.az (az.). İstifadə tarixi: 2025-01-07.
- ↑ "İlham Əliyev və birinci xanım Mehriban Əliyeva Neftçala Olimpiya İdman Kompleksinin açılışında iştirak ediblər » Azərbaycan Prezidentinin Rəsmi internet səhifəsi". president.az (az.). İstifadə tarixi: 2025-01-07.
- ↑ "İlham Əliyev və Birinci xanım Mehriban Əliyeva Neftçalanın Yenikənd kəndində "Azerbaijan Fish Farm" MMC-nin Nərə Damazlıq Təsərrüfatında yaradılan şəraitlə tanış olublar » Azərbaycan Prezidentinin Rəsmi internet səhifəsi". president.az (az.). İstifadə tarixi: 2025-01-07.
- ↑ "İlham Əliyev Neftçala-Kürkənd-2 nömrəli Mayak avtomobil yolunun açılışında iştirak edib » Azərbaycan Prezidentinin Rəsmi internet səhifəsi". president.az (az.). İstifadə tarixi: 2025-01-07.
- ↑ "İlham Əliyev Neftçala rayonuna səfər edib » Azərbaycan Prezidentinin Rəsmi internet səhifəsi". president.az (az.). İstifadə tarixi: 2025-01-07.
- ↑ "İlham Əliyev Neftçala şəhərinin içməli su təchizatı sistemlərinin istismara verilməsi mərasimində iştirak edib » Azərbaycan Prezidentinin Rəsmi internet səhifəsi". president.az (az.). İstifadə tarixi: 2025-01-07.
- ↑ ""Heydər Əliyevin 100 illiyi (1923–2023)" yubiley medalı ilə təltif edilənlərin siyahısı — Vikipediya". az.m.wikipedia.org (az.). İstifadə tarixi: 2025-01-07.
