Inoue Tetsuciro - Wikipedia
İnoue Tetsuciro (井上 哲次郎?, 25 dekabr 1856 və ya 1856, Dazayfu[d], Çikuzen əyaləti[d] – 9 noyabr 1944 və ya 1944, Koişikava-ku[d], Tokio) – Yaponiya filosofu, şairi və pedaqoqu. Şintayşi hərəkatının qabaqcılı olmuş, alman idealizmini müdafiə etmişdir.
| İnoue Tetsuciro | |
|---|---|
| yap. 井上哲次郎 | |
 | |
| Doğum tarixi | 25 dekabr 1856 və ya 1856 |
| Doğum yeri | |
| Vəfat tarixi | 9 noyabr 1944 və ya 1944 |
| Vəfat yeri | |
| Uşağı | |
| Təhsili | |
| Fəaliyyəti | filosof, universitet müəllimi[d], yazıçı, siyasətçi |
 Vikianbarda əlaqəli mediafayllar | |
Həyatı
redaktəİnoue Tetsuciro 1856-cı ildə Yaponiyanın Çikuzen əyalətində (indiki Fukuoka prefekturası) doğulmuşdur. Tokuzan Nakamuranın rəhbərliyi altında Çin klassiklərini oxumuş, 1875-ci ildə Tokio Kaysey Məktəbinə daxil olmuşdur.[2]
1880-ci ildə Tokio Universitetinin fəlsəfə fakültəsindən məzun olmuşdur. 1882-ci ildə Tokio Universitetinin dosenti olmuşdur. Həmin il "Şintayşişo" poeziya kitabının həmmüəlliflərindən biri olmuş,[3] Toyama Masakazu və Ryokiçi Yatabe ilə birlikdə Şintayşi hərəkatının qabaqcıllarından biri olmuşdur.[2] 1884-cü ildə təhsil almaq üçün Almaniyaya getmişdir. 1890-cı ildə Tokio Universitetinin professoru olmuşdur. Bütün akademik karyerasını 1923-cü ilə qədər Tokio Universitetində fəlsəfə dərsi verməklə keçirmişdir.[4] 1895-ci ildə Yaponiya Elmlər Akademiyasının üzvü olmuş, Tokio Universitetinin ədəbiyyat fakültəsinin dekanı təyin olunmuşdur.[2]
İnoue Yaponiyanın akademik dünyasına alman idelizmini gətirməsinə görə tanınır. Buddizm və konfusiçilik ilə maraqlanmış, Şərq və Qərb düşüncəsinin sintezini axtarmışdır.[4] Mədəni Tədqiqat Komitəsinin üzvü olmuşdur.[2] Milliyyətçi olmuş, xristianlığın Yaponiyanın milli siyasəti üçün təhlükə ərz etdiyini bildirmiş, imperator və ölkəyə sədaqətin vacibliyini vurğulamışdır.[4]
Əsərləri
redaktəƏsas əsərlərinə "İnoue Hakase koronşu" (2 cild, 1894-1895) və "Sonken rombunşu" (2 cild, 1899-1901) aiddir.[4] "Şərq incəsənəti və elm", "Uzaq Şərqdə işıq" kimi jurnalları redaktə etmişdir. [2]
İstinadlar
redaktə- ↑ Article database of deceased artists. Tokyo National Research Institute for Cultural Properties.
- ↑ 1 2 3 4 5 The Japan Biographical Encyclopedia & Who's Who. səh. 386
- ↑ "Inoue Tetsujiro". Milli Diet Kitabxanası (ingiliscə). 15 avqust 2024 tarixində arxivləşdirilib. İstifadə tarixi: 15 avqust 2024.
- ↑ 1 2 3 4 Kodansha Encyclopedia of Japan. səh. 311
Ədəbiyyat
redaktə- The Japan Biographical Encyclopedia & Who's Who (ingiliscə) (II). Tokio: Rengo Press. 1961. səh. 386. İstifadə tarixi: 16 avqust 2024.
- Kodansha Encyclopedia of Japan (ingiliscə). III cild (G–I). Tokio: Kodansha. 1983. səh. 311. ISBN 0-87011-623-1. İstifadə tarixi: 16 avqust 2024.
