Vikipediya Muzakire Sehifesi - Wikipedia

1. Hər iki müzakirə səhifəsində Vikipediyanın əsas prinsipləri gözlənilməlidir. Yəni istifadəçilər müzakirə apararkən neytrallıq, nəzakət və etik qaydalara riayət etməlidirlər;
2. Müzakirələrdə təhqirə, hədə-qorxuya keçmək qadağandır! İstehza və qarşı tərəfin ləyaqətinin alçaldılması Vandalizm kimi qəbul olunur və müzakirəni bu müstəviyə çıxaran istifadəçi xəbərdarlıq edilmədən bloklanır!
3. Başqalarının yazdıqları mətnin silinməsi və ya redaktəsi qəti qadağandır! İstifadəçi öz yazdığı mətndə redaktə ermək fikrindədirsə, xətt çək üsulundan istifadə etməsi daha düzgündür;^[1]
4. Müzakirə səhifələrindəki mətn müəllif tərəfindən mütləq imzalanmalıdır!
5. Müzakirə səhifələri forum və ya çat deyil! Odur ki, müzakirələr yalnız mövzu ətrafında aparılmalıdır;
6. İstifadəçi öz müzakirə səhifəsində mövcud olmayan səhifələrə istiqamətləndirilmiş keçidləri ləğv edə və yaxud da mövzuya uyğun olaraq düzgün istiqamətləndirə bilər;
7. İstifadəçi digər istifadəçilərin, həmçinin bütün müzakirə səhifələrində mövcud olmayan səhifələrə istiqamətləndirilmiş saxta keçidləri ləğv edə və yaxud da mövzuya uyğun olaraq düzgün istiqamətləndirə bilər.(bu bənddəki mətnlə üçüncü və altıncı bənddə yazılanlar arasında ziddiyyət olduğundan silinməsi gözlənilir);
8. Müzakirələr zamanı başqalarının yazılarının silinməsi, dəyişdirilməsi saxtakarlıq kimi qiymətləndirilir və istifadəçi bu hərəkətinə görə bloklana bilər Bax:Vikipediya:Bloklama qaydaları;
9. İstifadəçinin müzakirə səhifəsində özünün - artıq şərh verilmiş yazılarının mənalarının dəyişdirilməsi və gizlədilməsi, müxtəlif mətnləri keçmiş müzakirələrə daxil etməklə yanlış fikir yaradılması vandalizm kimi qiymətləndirilir və istifadəçi bu hərəkətinə görə bloklana bilər Bax:Vikipediya:Bloklama qaydaları;
10. Müzakirələrdə əks tərəfin yazdıqlarını diqqətlə oxumaq vacibdir. Qarşı tərəfin müzakirəsini tam oxumadan müzakirənin davam etdirilməsi etik deyil Bax:Vikipediya:Etiket
11. İstifadəçi hər hansı mübahisəli məsələdə və ya səsvermə zamanı fəal istifadəçilərin müzakirə səhifələrinə daxil olaraq təbliğat aparmamalıdır.
12. Müzakirələr zamanı digər istifadəçilərin adlarının bilərəkdən dəyişdirilməsi, onların adından müzakirələrdə iştirak edilməsi, redaktələrin aparılması, eləcə də müzakirələrdə anonim iştirak edilməsi qəti qadağandır Bax:Vikipediya:Təhqir, təhdid və aqressiyaya yol verilməməlidir;
13. Müzakirələrdə müəllif deyil, məqalə müzakirə edilməlidir. Etirazlar yalnız müzakirə olunan səhifədəki məsələlərlə bağlı olmalıdır;
14. Müzakirələr zamanı istifadəçiyə təzyiq göstərmək, keçmiş müzakirələri yada salaraq Vikipediyaya yaraşmayan ab-hava yaratmaq qadağandır və istifadəçinin bloklanmasına səbəb ola bilər Bax:Vikipediya:Təhqir, təhdid və aqressiyaya yol verilməməlidir.

Kim üçün yazmağınıza baxmayaraq və onun hansı dillərlə tanış olmağına baxmayaraq, Azərbarbaycan dilli vikipediyadanın müzakirə səhifələrində tərcih belədir ki Azərbaycan dilində yazasız. Bu Sizin yazınızın bütün vikicəmiyyəti tərəfindən anlamaq üçündür. Müzakirənizi Azərbaycan dilindən başqa bir dildə yazmaq məcburiyyətindədirsizsə, onun Azərbaycan dilində tərcüməsin yazmağa çalışın. Bu işi görə bilmirsizsə, bu işi görmək üçün kimsəni tapmaq Sizin boynunuzadır. Səfirlikdə yardım istəsəniz Azərbaycan dilinən tanış olan istifadəçi tapmaq mümkündür.

• Vandala xəbərdarlıq etmək üçün onun müzakirə səhifəsinə {{Vandalizm}} yerləşdirmək kifayətdir Bax:Vikipediya:Vandalizm;
• Məqaləyə {{Sil}} şablonu əlavə etməzdən öncə onun tarixçəsinə və müzakirə səhifəsinə baxmaq vacibdir Bax:Vikipediya:Səhifə silmə kriteriyaları.

1. ↑ Википедия:Страницы обсуждений

• Vikipediya:İstifadəçi səhifəsi