Qall Tursusu - Wikipedia

Qall turşusu (lat. galla — mürəkkəb fındığı) – 3, 4, 5-trioksibenzoy turşusu, C₇H₆O₅—üzvi birləşmə.

Qall turşusu
Ümumi
Sistematik adı	3, 4, 5-trioksibenzoy turşusu
Kimyəvi formulu	C7H6O5
Molyar kütlə	0 kq[1]
Termik xüsusiyyətlər
Ərimə nöqtəsi	250 °S
Təsnifatı
CAS-da qeyd. nöm.	149-91-7
PubChem	370
RTECS	LW7525000
ChEBI	30778
ChemSpider	361

Adi şəraitdə bir molekul su ilə kristalhidrat əmələ gətirir. Rəngsiz, havada saxlandıqda isə rəngi get-gedə qonurlaşan, iynəvarı kristal maddədir. Spirtdə və qaynar suda yaxşı, soyuq suda pis həll olur, xloroformda və benzolda həll olmur. 240°S-də parçalanmaqla əriyir, dəmir 3-xloridlə göy-qara mürəkkəb əmələ gatirir . Çay yarpağında, palıd qabığında, aşı maddəli ekstraktlarda var. Tannin maddəsinin qələvi ilə və ya fermentativ hidrolizindən alınır. Qall turşusu analitik kimyada (Sb, Bi, Pb, Cu, Mo, Ag və bir çox başqa elementin, habelə NO₂-nin təyin edilməsində), bəzi boya maddələrinin (antraqallol, qallosianin və s.) sintezində, mikroskopiyada, elektrokimyəvi analiz üsullarından istifadə etdikdə (depolyarizator kimi) işlədilir. Quru halda distillə etdikdə piroqallol alınır