Qizlar Film 2007 - Wikipedia

Qizlar Film 2007

Qızlar_(film,_2007) - Haqqında Məlumat

Bu məqalədə heç bir məlumatın mənbəsi göstərilməmişdir.

Lütfən, etibarlı mənbələr əlavə etməklə məqaləni təkmilləşdirməyə kömək edin. Qərəz yaradan mənbəsiz hissələr müzakirəsiz silinə bilər.

Qızlar

Janr	dram komediya
Rejissor	Namiq Ağayev
Ssenari müəllifi	Kamran Qasımov
Baş rollarda	Vəfa Zeynalova-Leyla Hüsniyyə Mürvətova-Turan Zümrüd Qasımova-Sevda Təhminə Məmmədova-Arzu
Operator	Rəşad Nuriyev
Rəssam	Mehriban Əfəndiyeva
İstehsalçı	Bakıfilm Kinostudiyası
İlk baxış tarixi	30 noyabr 2007, ANS Televiziyası
Filmin növü	çoxseriyalı bədii televiziya filmi
Müddət	35-40 dəq (təxminən) 1-ci seriya: 36,5 dəq. 2-ci seriya: 36,5 dəq. 3-cü seriya: 33,5 dəq. 4-cü seriya: 35,5 dəq. 5-ci seriya: 40 dəq. 6-cı seriya: ??
Ölkə	Azərbaycan
Dil	Azərbaycan dili
İl	2007
Rəng	rəngli (ağ-qara kadrlarla)
Çəkiliş yeri	Bakı Bakı, Xəzər sahili Bakı, İçərişəhər Bakı, Qız qalası Bakı, Binə qəsəbəsi-Aeroport
IMDb	ID1188329

Məzmun

redaktə

Bakı. XXI əsrin əvvəlləri. Zamanın gerçəkliyi dörd xanımın nəzər nöqtəsində canlanır. Bu qızların hər birinin öz taleyi, öz dünyası, həyata öz baxışları var. Xarakterləri fərqli olsa da, onları bir-birinə bağlayan ali bir qüvvə var: dostluq! Bəs kimdir bu qızlar?!

Leyla (Vəfa Zeynalova) — jurnalistdir, əsasən gender problemlərindən, eyni zamanda cəmiyyətin sosial yaşantıları haqda yazır. Vətənpərvərdir, daim ictimai ədalət axtarışındadır.

Turan (Hüsniyyə Mürvətova) — Uğurlu iş adamıdır. Həyat yoldaşı 1992-ci ildə Qarabağda şəhid olub ve bu səbəbdən ömrünün sonunadək sadiq qalacağına söz verib.

Sevda (Zümrüd Qasımova) — Qadın idman klubunda çalışır, sözübütövdür. Kişiləri yoldan çıxarmaq, onlara dərs vermək hobbisidir. Hələlik cəmiyyət tərəfindən layiqli qiymət almır.

Arzu (Təhminə Məmmədova) — Əksər azəri qadınlar kimi arzuları böyükdür — ərə getmək istəyir. Amma sevgidə bəxti gətirmir. Çətin vəziyyətlərə düşdükdə isə, rəfiqələri onu düşdüyü vəziyyətdən xilas edirlər.

Serialda təqdim olunan digər obrazlar, qızların həyatında aparıcı qüvvəyə çevrilirlər. Leylanın işlədiyi yeni redaksiyada qeyri-adi xüsusiyyətlərə malik vəkil Mahmudla (Rəşad Səfərov) tanışlığı, Turanın Türkiyədən qayıtdığı zaman naməlum kişinin onun fotosunu çəkməsi hadisələrə düyün vuraraq, ziddiyyətləri formalaşdırır.

Məhəbbət, sevgi, nifrət, xəyanət, kriminal aləm, sosial həyat — bütün bu sadalananlar serialın əbədi mövzuları kimi vahid dramaturji xətdə cəmlənərək, daim yeni hadisələr yaradır…

Film haqqında

redaktə

Filmin birinci seriyasında Vəfa Zeynalova, sonrakı seriyalarında isə Vəfa Rzayeva yazılmışdır.
24 seriya nəzərdə tutulan serialın çəkilişləri 6-cı seriyada dayandırılıb. Filmin yaradıcı heyətində dəyişiklik edilib. Rejissor Namiq Ağayev öz komandası ilə uzaqlaşdırılıb (1–6 seriya). Sonrakı seriyaları İranlı rejissor Abbas Paknəhat çəkəcək.