Abeokuta— Nigeriyanın cənub-qərbində şəhər.[2]Oqun ştatının inzibati mərkəzidir. Oqun çayı sahilindədir. Əhalisi 542,9 min (2003) nəfər. İri nəqliyyat qovşağıdır. 1830-cu illərdə yoruba etnik qrupundan olan eqbalar tərəfindən şəhər-dövlət kimi əsası qoyulmuşdur. 1840-cı illərdə burada avropalı xristianlarınmissioner təşkilatları və ticarət faktoriyası açılmışdı. Syerra-Leonedən köçüb gəlmiş azad olunmuş xristian qulların nəsilləri XIX əsrin II yarısında Abeokutada mədəni və siyasi nüfuza malik idilər. 1914-cü ildə Abeokuta Britaniya koloniyası və protektoratı Nigeriyanın tərkib hissəsi elan edildi. Kənd təsərrüfatı universiteti (1988-ci ildən), politexnik institutu (1979-cu ildən), yeyinti sənayesi müəssisələri, sement-beton zavodları, parça və boyaq maddələrinin ənənəvi kustar istehsalı var. Kənd təsərrüfatı məhsulları (pambıq, kakao, banan və s.) ticarəti mərkəzidir.
Vikianbarda əlaqəli mediafayllar
