Sahmar Ekberzade - Wikipedia

Sahmar Ekberzade

Şahmar_Əkbərzadə - Haqqında Məlumat

Şahmar Əkbər oğlu Əkbərzadə (28 dekabr 1941, Ağdam rayonu – 30 avqust 2000, Bakı) — şair, publisist, jurnalist.

Şahmar Əkbərzadə
Şahmar Əkbər oğlu Əkbərzadə

Doğum tarixi	28 dekabr 1941
Doğum yeri	Ağdam rayonu, Çəmənli Azərbaycan
Vəfat tarixi	30 avqust 2000 (58 yaşında)
Vəfat yeri	Bakı
Vətəndaşlığı	Azərbaycan
Milliyyəti	Azərbaycanlı
Atası	Əkbər
Təhsili	M.F.Axundov adına Dillər İnstitutu
İxtisası	Rus dili və ədəbiyyatı
Fəaliyyəti	şair, jurnalist

Həyatı

redaktə

Şahmar Əkbər oğlu Əkbərzadə 1941-ci il 28 dekabrda Azərbaycan Respublikası Ağdam rayonunun Çəmənli kəndində ziyalı ailəsində anadan olmuşdur^[1].

1958-ci ildə Mahrızlı kənd orta məktəbini bitirdikdən sonra həmin il Şuşa Pedaqoji Texnikumuna daxil olub və 1960-cı ildə texnikumu bitirmişdir. Elə həmin il M.F.Axundov adına Dillər İnstitutunun Rus dili və ədəbiyyatı şöbəsinə daxil olmuş, 1960-cı ildə Rus dili müəllimi ixtisasını bitirmişdir.

Bir neçə il Çəmənli kənd orta məktəbində müəllim işləmiş, 1968-ci ildə Bakı şəhərinə köçüb "Azərbaycan gəncləri" qəzetində jurnalist kimi fəaliyyətə başlamışdır. Sonralar həmin qəzetdə şöbə müdiri vəzifəsində çalışmışdır. "Kommunist" qəzetində müxbir və şöbə müdiri olmuşdur.

1990-cı ildə "Mədəniyyət" qəzetini təsis etmiş və ömrünün sonunadək qəzetin baş redaktoru olmuşdur.

Şahmar Əkbərzadə 2000-ci il avqust ayının 30-da Bakı şəhərində dünyasını dəyişmişdir.

10 fevral 2014-cü ildə adını daşıyan "Şahmar Ədəbi Məclisi" (ŞƏM) təsis olunmuşdur. Ölümündən sonra "Xarı Bülbül Nəğmələri" kitabı çap olundu.

Şeirləri^[2]

redaktə

"Qarabağsız Qarabağlı"
"Dayanın!"
"Özün özgənin"
"Qrimləyir"
"Yollar"
"Təzə nağara"
"Allah amandır!"
"Hanı"
"Laçın Şahverdi dədəyə"
"Üşüdü"
"Kirpiyimi qədəminə sərim qoy!"
"Bilməyim"
"Bitməsin"
"Ayırar bu dünya ən vaxtsa bizi"
"Əlvida"
"Səni"
"Dağdağan"
"Tüstümüz"
"Eşmə"
"Bu sənsən?"
"Tikan, gəl öpüşək"
"Salam de"
"Dayanın"
"Əlvida"
"Mərkəzi poçtxana"
"Göyərər"
"48 ölçülü qadın paltarı"
"Anam Azərbaycana"
"Laçın dağlarına məktub"

Kitabları

redaktə

Mil üzümçüləri. Bakı: Azərb. SSR Kənd Təsərrüfatı Nazirliyi Kənd Təsərrüfatı Elmi və Təbliğatı Baş İdarəsi, 1973;
Anama layla. Bakı: Gənclik, 1978;
Sevgi borc verilməz. Bakı: Yazıçı, 1982;
Ona yanıram ki. Bakı Yazıçı, 1988;
Haqqa pəncərə. Bakı: Dünya, 1998;
Sev məni. Bakı: Azərbaycan, 2000.