Qalmaqal Iv Movsum - Wikipedia

Mövsümdə hadisələr Zənzibar sahillərində izolyasiya olunmuş adada Ceyklə keçirilmiş iki aydan sonra Oliviyanın Vaşinqton şəhərinə qayıtması ilə başlayır. Kuinn Oliviyanın harda olmasını öyrənə bilir və onunla əlaqə saxlayaraq Harrisin öldürülməsini xəbər verir. Təcili Vaşinqtona gələn Oliviya köhnə dostu Harris üçün dəfn mərasimi təşkil edir. Bu mərasim Oliviyanın şəhərdən uzaqlaşmasından sonra bir-biri ilə əlaqələrini itirmiş və hərəsi bir yerdə çalışmağa başlamış (Ebbi Ağ evdə, Qek isə məişət texnikaları təmiri mağazasında çalışır) keçmiş həmkarların bir araya yığılması üçün bəhanə olur.

Mövsümün birinci yarısında Cerri Qrantın qətlinə görə Ceykin həbs edilməsi, Rouenin Tomu onun adını çəkməyə məcbur etməsindən bəhs edilir. Fitzin göstərişi ilə həbs edilən Ceyk Pentaqonun altındakı zirzəmidə saxlanılır və dindirilir. Lakin, Oliviya Ceykin günahkar olmağına inanmır. O, Toma təzyiq göstərərək əslində qətlin arxasında Rouenin durduğunu aşkara çıxarır və bu haqqda Fitzi məlumatlandırır. Onlar birlikdə Rouenin həbs edilməsi planını hazırlayırlar. Hüquq naziri olan Devid də bu işdə onlara kömək etmək qərarı verir. Həbs edilmə təhlükəsi ilə üzləşdiyini başa düşən Komandir B613-üç fəaliyyəti ilə bağlı bütün sənədləri məhv edir, agentlərə isə bir-birilərini öldürməyi tapşırır. Məhkəmənin ilk dinləməsindən sonra isə bütün andlılar qətlə yetirilir.

Oğlunun ölümündən sonra çətinliklə özünə gələn Melli Fitzdən sonra ABŞ Prezidenti olmağa qərar verir və seçkiqabağı kompaniyada Elizabet Nortla birlikdə çalışmağa başlayır. Sayrus, Elizabet Nortun gizlincə göndərdiyi eskort xidmətçisi Mayklla görüşməyə başlayır. Lakin, təhlükəni başa düşdükdə kömək üçün Oliviyaya müraciət edir və Oliviya çıxış yolunun onların evlənməsində olduğunu deyir. Ağ evdə Maykl və Sayrus üçün eynicinsli nikah təşkil edilir.

Mövsümün ikinci yarısında Oliviya naməlum şəxslər tərəfindən qaçırılır və bir müddət sonra qara bazarda auksiona çıxarılır. Məlum olur ki, Oliviyanın qaçırılmasında vitse-prezident Endryu günahkardır. O, Prezidenti şantaj edərək ABŞ-nin Qərbi Anqolaya müharibə elan etməyəcəyi təqdirdə Oliviyanın öldürüləcəyini bildirir. Lakin, Oliviya manipulyasiya edərək azadlığa çıxa bilir. Əsirlikdən qayıtdıqdan sonra Oliviya başına gələnləri unutmaq üçün iş həyatına qayıdır. Yeni vitse-prezident axtarışında olan Fitz, Sayrusu təklifi ilə Virciniya senatoru Syuzan Rossu bu vəzifəyə təyin edir. Mövsüm finalına yaxın Oliviya şirkət işçiləri ilə birlikdə B613-ün birdəfəlik məhv edilməsi və Rouenin həbs edilməsi üçün fəaliyyətə başlayır. Smitsonian İnstitutundakı yeyintilərə görə Rouen həbs edilir.

Qalmaqal serialının dördüncü mövsümünün çəkiləcəyi ABC telekanalı tərəfindən 9 may 2014-cü ildə elan edilmişdir.^[24] 13 may 2014-cü ildə ABC yeni yayım cədvəlini və Qalmaqal serialı üçün yeni yayım vaxtını elan etdi. Serialın yayım vaxtə Cümə axşamı axlansa da, “ShondaLand Production Company”nin yeni teleserialı olan “Qətlə görə məsuliyyətdən necə qaçmalı” serialı üçün yayım vaxtı yaratmaq məqsədi ilə 9:00 pm-ə keçirilmişdir.^[25] 2014-cü ilin avqustunda ABC Cümə axşamı praymtaym yayımını planlaşdırır və həmin gün yayıma “ShondaLand”ın dramları “Ehtiras anatomiyası”, “Qalmaqal”, “Qətlə görə məsuliyyətdən necə qaçmalı” və “Tanrıya şükür, cümə axşamıdı” verilişi daxil olmuşdur.^[26] Bu, ABC-nin Cümə axşamları ailə komediyaları yayımlanan TGIF blokuna və NBC-nin 1990-cı illərdən dəyişilməyən “Must See TV” blokuna təsir edir.^[27]

ABC-nin payız efir cədvəli 30 oktyabr 2014-cü ildə yayımlanmış, həmin cədvəldə digər "TGIF" şouları “Ehtiras anatomiyası” və “Qətlə görə məsuliyyətdən necə qaçmalı” kimi “Qalmaqal”ın da doqquz seriyasının yayımlanacağı, payız finalının isə 20 noyabr 2014-cü ildə efirə veriləcəyi bildirilmişdir.^[28] Digər 13 seriyanın yayımına qış tətillərindən sonra 29 yanvar 2015-ci ildə başlanmış^[29] və mövsüm finalı 14 may 2015-ci ildə efirə verilmişdir.^[30] Serialın beşinci mövsümünün çəkiləcəyi isə 7 may 2015-ci ildə elan edilmişdir.^[1]

Mövsümün istehsalına iyul ayında başlanılmış, Rayms yazdığı tvitdə ssenaristlərin birlikdə çalışaraq ideyaları birləşdirməyə çalışdığını və mövsümün xəritəsini hazırladığını qeyd edir.^[31][32] Bir neçə gün sonra mövsümlə bağlı aktiv işlərə başlanmışdır.^[33] 24 iyul 2014-cü ildə birinci seriyanın ilk səhnə məşqləri keçirilmiş^[34], Rayms elə həmin gün premyera seriyasının adını açıqlamışdır.^[35][36] Dördüncü mövsümün çəkilişlərinə 28 iyul 2014-cü ildə start verilmiş^[37] və çəkilişlər 28 aprel 2015-ci ildə tamamlanmışdır.^[38]

Müsahibə zamanı serialın şouranneri Şonda Rayms bildirmişdir ki, dördüncü mövsümdə Derbi Stençfildin personajı Ebbi Uilanın xarakterinin açılmasına xüsusi yer ayrılacaq. O, deyir ki, “Dördüncü mövsüm Ebbinin mövsümüdür. Bu, əvvəldən belə düşünülmüşdü. Ebbi haqqında bildiyimiz bir çox hadisələr məhz bu mövsümdə göstəriləcək.”^[39] Rayms həm də Harrison Rayt adlı personajın taleyinə aydınlıq gətirərək onun öldürüldüyünü təsdiqləyir.^[39] O, deyir ki, Oliviyanın şirkətində çalışanlardan hər biri bu ölümü müxtəlif şəkildə qəbul etsələr də, itkini ən çətin qəbul edən Oliviya olur. Rayms deyir ki, “Ebbi üçün isə hər şey daha dağıdıcı şəkildə olacaq. Siz onun hər çeyi necə gözlənilməz yolla qəbul etdiyinin şahidi olacaqsız.”^[40] Harrisonun taleyi haqqında eşitdikdə Oliviya geri qayıdaraq hər kəsi ətrafında toplamağa çalışır. Xəyanət hər kəsi və həmişəlik dəyişir, Oliviya səhvlərini düzəltməyə çalışır.^[40]

Şonda Rayms bildirir ki, üçüncü mövsümdə daha çox yeni personajlarla tanışlığa diqqəta ayrılsa da, dördüncü mövsümdə personajlarının xarakteriin inkişaf etdirilməsinə daha çox diqqət veriləcək. Rayms izah edir ki, “Kerri Vaşinqton gün ərzində 14 saat işləyə bilmədiyinə görə, biz hekayəmizi müxtəlif yollarla nəql etməyə çalışırıq, bu da digər personajların da inkişaf etdirilməsi üçün yaxşı yoldur.”^[40]

Dördüncü mövsümdə doqquz əsas rol vardır ki, onların da səkkizi birinci mövsümdən serialın əsas aktyor heyətində olan aktyorlar tərəfindən canlandırılmışdır. Kerri Vaşinqton serialın protaqontisti olan, şəxsi böhran menecmenti şirkəti olan Ağ evin Əlaqələr Rəhbəri olmuş Oliviya Poup rolunu canlandırmışdır. Skott Foli prezidentin oğlunu öldürməkdə günahlandırılaraq həbs edilmiş Kapitan Ceyk Ballardı canlandırır. Derbi Stençfild Oliviyanın şirkətindən ayrıldıqdan sonra Ağ evin Mətbuat Katibi kimi çalışan Ebbi Uilanı canlandırır. Keti Lovs Kuinn Perkins, Gilyermo Diaz isə Oliviya ilə çalışan Qek adlı personajı canlandırır. Ceff Perri Ağ ev administrasiyasının rəhbəri Sayrus Bini canlandırır. Coşua Malina keçmiş ABŞ Federal Prokuroru, sonradan Ali prokuror olmuş Devid Rozeni canlandırır. Bellami Yanq, oğlunun öldürülməsinə görə əziyyət çəkən, daha sonra isə Virciniya senatoru olan Birinci xanım Melodi “Melli” Qrantı, Toni Qoldvin isə ABŞ Prezidenti IIII Fitcerald “Fitz” Tomas Qrantı canlandırır.

25 aprel 2014-cü ildə aktyor Kolumbus Şortun şəxsi səbəblərə görə seriala qayıda bilməyəcəyi elan edilir.^[41] Müsahibə zamanı Şonda Rayms bildirir ki, Şortun personajı Harrison Rayt öldürülüb.^[39] Televiziya aparıcısı Ellen DeCeneres şəxsi Twitter hesabında bildirir ki, həyat yoldaşı Portşa de Rossi serialda rol alacaq.^[42]

Mövsümün aktyor heyətində bir neçə qonaq ulduzun rol alacağı elan edilir.^[43] 30 iyul 2014-cü ildə Kelen Koleman dördüncü mövsümün premyera seriyasında rol alacağını elan edir. 12 avqust 2014-cü ildə MeriMakKormak və Co Rendallın mövsümün bir neçə seriyasında cütlüyü canlandıracağı elan edilir.^[44] 18 avqust 2014-cü ildə “Sağ qalmaq” serialından Sonya Uolgerin “Qalmaqal”da ikinci dərəcəli rol canlandıracağı bildirilir.^[45] 22 avqust 2014-cü ildə “Entertainment Weekly” Metyu Del Neqronun serialda rol alacağını elan edir.^[46] Qrant ailəsinin üzvlərindən biri Karen Qrant rolunu canlandırmaq üçün yeni aktyor seçiləcəyi bildirilir. 5 sentyabr 2014-cü ildə Meri Moserin həmin rolu canlandıracağı məlum olur.^[47] 17 oktyabr 2014-cü ildə aktrisa Casika Nikolun Qekin keçmiş həyat yoldaşı roluna qayıdacağı elan edilir.^[48] Stefan Kollins Twitter hesabında bir seriyada “Qalmaqal” serialına qayıdacağını bildirir.^[49] Lakin, seks qalmaqalı ilə bağlı xəbərlərdən sonra ABC-nin tələbi ilə aktyorun olduğu səhnələr ixtisar edilir.^[50]

Qalmaqal serialının dördüncü mövsümündə “Shondaland”in istehsal etdiyi “Şəxsi təcrübə” serialında olan iki aktyorun da rol alacağı bildirilir.^[51] 16 sentyabr 2014-cü ildə Brayan Benbernin qonaq rolda çıxış edəcəyi elan edilir. Noyabrda Pol Adelşteynin Leo Bergen roluna qayıdacağı xəbər verilir.^[48]

21 oktyabr 2014-cü ildə aktyor Maykl Trukkonun Ebbinin keçmiş həyat yoldaşı Çarlz Putnini canlandıracağı elan edilir. Onun personajı haqqında verilən məlumatda deyilir ki, keçmiş Virciniya qubernatoru Ceyms Putninin oğlu və Ebbi Uilanın keçmiş həyat yoldaşı olan Çarlz kefli olduğu vaxt Ebbini döymüşdü.^[52][53] 4 noyabr 2014-cü ildə Xandi Aleksanderin qış finalında Maya Lyuis rolu ilə qayıdacağı bildirilir. Əvvəlcə Aleksanderin rolu bir seriyalıq qonaq ulduz kimi nəzərdə tutulsa da, 14 noyabr 2014-cü ildə ikinci dərəcəli rol ifaçısına yüksəldilmişdir.^[54] Ceyson Batler Harner serialda ikinci plan rolu üçün seçilmiş və qış premyerası zamanı Yan Vuds roluna qayıtmışdır. 20 fevral 2015-ci ildə komediyaçı Lena Dunemin naməlum qonaq rol üçün seçildiyi bildirilir və o, on yeddinci seriyada görünür.^[55] O, Vaşinqtonun ən məşhur siyasətçilərinin intim həyatı haqqında kitab yazan Syuzan Toması canlandırır.

Birinci mövsümdə Stefan Finç rolunu canlandırmış Henri Yan Kusik də həmin rolla seriala qayıtmışdır.^[56] 5 mart 2015-ci ildə Keyt Burton və Den Bukatinskini Salli Lenqston və Ceyms Novak rolları ilə seriala qayıdacağı elan edilir. Hər iki aktyor mövsümün on yeddinci seriyasında görünür.^[57] Emili Bergl on yeddinci seriyada Sayrusun keçmiş həyat yoldaşını canlandırmışdır.^[58] Loren Bouls Mellinin bacısı Harmonini canlandırmaq üçün seçilmişdir.^[59] O, on səkkizinci seriyada görünmüşdü. Mövsüm finalından sonra Portiya de Rossinin beşinci mövsümün davamlı aktyoru kimi elan edilmişdi.^[60]

“ShondaLand”in “Qətlə görə məsuliyyətdən necə qaçmalı” adlı yeni serialı üçün vaxt ayırmaq üçün dördüncü mövsüm ABŞ-də yeni vaxtla, 25 sentyabr 2014-cü ildən yayımlanmağa başlamışdı.^[25] Mövsüm ABŞ-la paralel Kanadanın “City” telekanalında da təqdim edilmişdir.^[61] Birləşmiş Krallıq və İrlandiyada dördüncü mövsümün premyerası 8 yanvar 2015-ci ildə “Sky Living” telekanalında baş tutmuşdur.^[62]

Dördüncü mövsüm tənqidçilər tərəfindən ümumi alqışla qarşılanmış və bir çoxları “çirkli” adlandırılmış üçüncü mövsümdən sonra serialın irəli aparılmasını dəyərləndirmişlər.^[63][64] Dördüncü mövsümün premyerası “Total Viewers”də 11.96 baxış nəticəsi göstərmişdir ki, bu da serialın ən yaxşı nəticəsi olmaqla, 18-49 yaşlılar arasında 3.8/11 nəticə göstərmişdir.^[2] Rəy aqqreqatoru “Rotten Tomatoes” 20 tənqidçinin rəyi əsasında filmi 95% təravətli 8.08/10 balla dəyərləndirmişdir.^[65] Əvvəlki mövsümlə müqayisədə dördüncü mövsümün reytinq göstəriciləri hər həftə mütəmmadi olaraq artmağa davam etmişdir.^[66][67][68] Mövsüm arası premyera seriyası olan “Qaç” 18-49 yaşlılar arasında serialın ikinci ən böyük nəticəsini göstərmişdir.^[69] Dördüncü mövsümdə 18-49 yaşlı izləyicilər kütləsi 5.4-dən 2.9-a ensə də, ümumi izləyici miqdarı artmış və 9.19 milyona çatmışdır.^[70]

ABŞ-nin Missuri ştatının Sent-Luis dairəsindəki Ferquson şəhərində Darren Vilson adlı ağ dərili polis nəfərinin 18 yaşlı qara dərili Maykl Braunu səhvən qətlə yetirməsinə istinad edən “Şezlonq” seriyası həm çoxsaylı tərif, həm də tənqid almışdır. Bir çoxları şouranner Şonda Raymsı televiziya üçün qeyri-adi olan dialoqlara, silahsız qara dərili gəncin güllələnməsi ətrafındakı hadisələrin əks etdirilməsinə görə tərifləmiş, bəziləri isə hadisələrin qeyri-real və emosional təsvir edilməsinə görə onu tənqid etmişlər.^[71][72]

“The A.V. Club”dan Coşua Alston seriyanı şərh edərkən qeyd edir ki, “sanki kədərli arzunun yerinə yetirilməsinin şahidi oldu” və seriyanı düzgün hisslər üzərində qurulmadığına görə tənqid edir.^[73] “Slate”dən Aişa Harris seriyanı çox asan müəyyən edilən olduğuna görə tənqid edərək deyir ki, “Bu tipdən olan bir çox hadisələr asan müəyyən edilən olmurlar – rasizm və önyarğı adətən daha üstüörtülü baş verir. Əgər Qalmaqal bir az cəsarətli olub Brendonu müqəddəs, Nyutonu isə açıq pis adam kimi təqdim etməsəydi ən yaxşı televiziya seriyalarından birini yarada bilərdi.”^[74] “The Atlantic”dən Sofi Gilbert seriyanı dəyərləndirərək “irq, identiklik, fanatizm və vicdanın sərt nəzarət altında məqsədli araşdırılması” adlandırır.^[75] Şonda Rayms seriyada realizmdən daha çox uydurmaya yer verilməsini izah edərək Twitter hesabında yazır ki, “Sonda biz anladıq ki, arzunun reallaşması üçün nə etmək lazımdı. Mümkünlük ideyası. Və bizim indi hiss etdiyimiz ümidsizlik."^[76] “Cosmopolitan”dan Loren Hoffman da seriyadakı uydurma elementləri tənqid edərək yazır:

Rejissor Ava DüVerney seriyanı şərh edərək deyir: “Belə seriya asan olmur. Onun ssenarisini yazmaq asan deyil. Ona rejissorluq eləmək asan deyil. Onu efirə vermək asan deyil. Mən bütün bunları yüksək qiymətləndirirəmm.”^[78] “Qalmaqal” üçün ideya mənbəyi olmuş Cudi Smit də seriyanı şərh edərək deyir ki, “Yalnız valideynlər övladlarını qorumalı deyil, biz hamımız bir-birimizi qorumalıyıq.”^[79]

• abc.go.com/shows/scandal — Rəsmi saytı