Psixo Film 1960 - Wikipedia

Psixo Film 1960

Psixo_(film,_1960) - Haqqında Məlumat

"Psixo" (ing. Psycho) — rejissor Alfred Hiçkokun filmi.

Psixo
ing. Psycho

Janr	triller qorxu
Əsas mövzu	seriyalı qatil
Rejissor	Alfred Hiçkok
Prodüser	Alfred Hiçkok
Ssenari müəllifləri	Robert Blox^[1]
Baş rollarda	Entoni Perkins Canet Li
Operator	Con L. Rassell
Bəstəkar	Bernard Herrmann
İstehsalçı	Paramount Pictures
Distribütor	Paramount Pictures
İlk baxış tarixi	1960, 7 oktyabr 1960^[2], 17 avqust 1960^[3], 8 sentyabr 1960^[3]
Filmin digər adı	Psixoz
Filmin növü	bədii film
Müddət	109 dəqiqə
Büdcə	806 min $
Gəlir	32 milyon $
Ölkə	ABŞ
Dil	ingilis dili
İl	1960
Rəng	ağ-qara
Çəkiliş yeri	Kaliforniya, Arizona
IMDb	ID0054215
Mükafatları
Vikianbarda əlaqəli mediafayllar

Məzmun

redaktə

Gənc qadın Merion Kreyn müdirin ona etibar etdiyi 40 min dollar pulu oğurlayır. O, bunun cinayət olduğunu düşünməyərək öz-özünə pulları oğurlayır. Merion sadəcə olaraq şəhərdən getmək və öz sevgilisi ilə yeni həyata başlamaq istəyir. Qaçış zamanı avtomobili idarə edərkən daxili gərginlikdən yorulan qız maşını şose yoluna döndərmək və gecəni oradakı boş moteldə keçirmək qərarına gəlir. Burada polis onu tapa bilməzdi. Burada isə onu qorxulu cəza gözləyirdi. Moteli Norman Beyts adli gənc oğlan idarə edir. O, şəxsi iztirab çəkir: moteldə onunla birlikdə sevimli, lakin çoxdan ölmüş anası yaşayır. Normanda Meriona meyil yaranır. Amma onun "anası" oğlunun hislərinin qəti əleyhinə çıxır. "O" Normandan tələb edir ki, Meriondan uzaqlaşsın. Bu tələbinə rədd cavabı alandan sonra isə qızı öldürmək qərarına gəlir və öz fikrini Merion duş qəbul edərkən həyata keçirir. Bu vaxt Merionu axtaran şəxsi xəfiyyə Milton Arboqast ortaya çıxır. O, Normanın qorxulu sirrini açmağa çalışır. Lakin tapdığı faktları qızın sevgilisinə və bacısına çatdıra bilmir. Çünki Norman Arboqastı da öldürür.

Ancaq hər halda nəhayət ki, qızın bacısı və sevgilisi Normanı birlikdə dolaşığa sala bilirlər. Yalnız onda məlum olur ki, Normanın anası çoxdan ölüb və motelin sahibi onun qurumuş meyitini ehtiyatla otaqların birində kresloda oturmuş vəziyyətdə saxlayıb.

Film haqqında

redaktə

Alfred Hiçkokun sonuncu ağ-qara filmidir.^[4]
Öz karyerasının başlanğıcında yeni sima olan aktyor Entoni Perkins daha çox ikinci Ceyms Din kimi tanınırdı. Lakin onun bu Hiçkokun bu filmində çəkilməsi cəmiyyətin ona olan fikrini tamamilə dəyişir.^[5]