Malena Film 2000 - Wikipedia

Malena Film 2000

Malena_(film,_2000) - Haqqında Məlumat

"Malena" (it. Malèna,alm. Der Zauber Von Malèna‎) — rejissor Cüzeppe Tornatorenin filmi.

Malena
it. Malèna alm. Der Zauber Von Malèna‎

Janr	dram
Əsas mövzu	İkinci Dünya müharibəsi, yeniyetmə^[1]
Rejissor	Cüzeppe Tornatore
Prodüser	Harvi Veynşteyn
Əsərin müəllifi	Luçiano Vinsenzoni
Ssenari müəllifi	Cüzeppe Tornatore
Baş rollarda	Monika Belluççi Cüzeppe Sulfaro
Operator	Layoş Koltai
Bəstəkar	Ennio Morrikone
İstehsalçılar	Medusa Film Miramax Films
Distribütor	UIP-Dunafilm^[d], Disney+
İlk baxış tarixi	27 oktyabr 2000
Filmin növü	bədii film
Müddət	109 dəqiqə (ABŞ kəsilmiş versiyası: 92 dəqiqə)
Ölkələr	İtaliya Almaniya
Dil	italyan
İl	2000
Rəng	rəngli
Çəkiliş yeri	Kataniya, Sirakuza, Mərakeş
IMDb	ID0213847

Məzmun

redaktə

Gözəl və dul qadın Malena kişilərin xəyalı və ən gözəl qadın simvoludur. Onun paxıllığını çəkən bütün qeybətçi qadınlar Malena haqqında çirkin şayiələr yaymağa başlayırlar. Kişilər isə onun hər addımını izləyir, ardınca düşür və Malena haqqında gözəl xəyallar qururlar. Lakin Malena heç kəsə bağlanmayaraq yalnız müharibədə olan ərinin cəbhədən qayıtmasını gözləyir.

Film haqqında

redaktə

Film yeniyetmənin intim münasibətlərə baş vurması ilə əlaqədar ciddi tənqidlərə məruz qalmışdır. Filmin Şimali Amerikadakı distribütoru "Fine Line Features" şirkəti ekran işinin 17 dəqiqəsindən çoxunu kəsib çıxarmışdı. ABŞ-də nümayiş zamanı film heç bir uğur qazana bilmədi. Ancaq 2005-ci ildə art-haus həvəskarları üçün filmin Şimali Amerikada DVD-ləri işıq üzü görmüşdür.
Filmin ABŞ üçün olan versiyasında ciddi ixtisarlar edilmişdi. Filmdən çıxarılan kadrlar, əsasən, yeniyetmə baş qəhrəmanın Malena haqqında göz önünə gətirdiyi xəyallar idi. İxtisar zamanı yeganə saxlanılan erotik kadr yeniyetmənin Malenaya oxşar fahişə ilə olan kadrları olur.
Kişilərin şövqlə Malenaya baxması səhnəsi Mikelancelo Antonioninin "Macəra" filmi ilə səsləşir. Həmin filmdə aktrisa Monika Vitti eyni situasiyada çəkilmişdir.
Ennio Morrikonenin bu filmə yazdığı musiqi "Oskar" (2001) və "Qızıl qlobus" (2000) mükafatlarına namizəd olmuşdur.

Filmin musiqiləri

redaktə

Inchini Ipocriti E Disperazione
Malèna
Passeggiata In Paese
Visioni
Nella Casa
Malèna (End Titles)
Linciaggio
Orgia
Il Ritorno
Bisbigli Della Gente
Ma L'Amore No
Casino Bolero
Altro Casino
Visioni (Fantasie D'Amore)
Cinema D'Altri Tempi
Ipocrisie
Pensieri Di Sesso
Momenti Difficili

Sitatlar

redaktə

"Onu ilk dəfə görəndə mənim 13 yaşım var idi. Zaman keçdi. Mən çox qadınlara aşiq oldum. Bütün qadınlarla yaxın olanda onlar soruşurdular: mən onları xatırlayacağammı? Mən isə: "Hə, əlbəttə, mən sizi xatırlayacağam" – deyirdim. Lakin mənim heç vaxt unuda bilməyəcəyim qadın bu sualı məndən heç vaxt soruşmamışdı. Onun adı Malena idi".