Musfiq Atakisiyev - Wikipedia

Müşfiq Atakişiyev 1966-cı ildə İmişli rayonunun Ağaməmmədli kəndində anadan olmuşdur. Orta təhsilini orada bitirdikdən sonra, Azərbaycan Neft və Kimya İnstitutuna (indiki Azərbaycan Dövlət Neft və Sənaye Universiteti) daxil olmuşdur. 1990-cı ildə həmin institutun "İqtisadçı mühəndis" fakültəsini fərqlənmə diplomu ilə bitirib. O, ali təhsilini başa vurduqdan sonra, təyinatla həmin fakültədə stajyor kimi saxlanılmışdır. Elmi fəaliyyətini davam etdirərək 1996-cı ildə "Neft qaz quyularının istehsal gücündən istifadənin səmərəliliyinin artırılmasının ehtiyat mənbələri" mövzusunda namizədlik dissertasiyası müdafiə edərək iqtisad elmləri namizədi alimlik dərəcəsi almışdır. 1996-cı ildən "Neft və Qaz Sənayesinin İqtisadiyyatı" kafedrasında dosent vəzifəsində fəaliyyət göstərmişdir. 1999-cu ildə "Neftçıxarmada istehsal potensialından istifadənin iqtisadi problemləri" mövzusunda doktorluq dissertasiyasını müdafiə etmişdir. 2005-ci ildən Azərbaycan Ali Attestasiya komissiyasının qərarı ilə professor adına layiq görülmüşdür. 2008–2010 illərdə Azərbaycan Respublikası prezidenti yanında Ali Attestasiya Komissiyasının iqtisadiyyat üzrə ekspert komissiyasının sədri olmuşdur. AMEA İqtisadiyyat İnstitutunda fəaliyyət göstərən dissertasiya şurasının sədr müavinidir. Azərbaycan Respublikası Prezidenti yanında Ali Attestasiya Komissiyasının 07 aprel 2023-cü il tarixli 3–50/3-1-1-53/2023 nömrəli əmri ilə Azərbaycan Respublikasının Elm və Təhsil Nazirliyi İqtisadiyyat İnstitutu nəzdində İqtisad elmləri sahəsində -ED 1.10 nömrəli doktorluq dissertasiya şurasının sədri təyin olunmuşdur.

2022-ci ildən AMEA İqtisadiyyat İnstitutunun icraçı direktoru vəzifəsində çalışır.

Ailəlidir, 2 övladı var.

Azərbaycan, rus, ingilis dillərini mükəmməl bilən alim 90-a yaxın elmi metodik əsərlərin, 15 monoqrafiyanın müəllifidir. Həmçinin onun elmi rəhbərliyi altında 2 nəfər doktorluq, 16 nəfər isə namizədlik dissertasiyası müdafiə etmişdir.

2000-ci ildən Beynəlxalq İnformatizasiya Akademiyasının həqiqi üzvüdür. 2000–2014 illərdə Azərbaycan Dövlət Neft Akademiyasının "Maşınqayırma sənayesinin iqtisadiyyatı və menecment" kafedrasının müdiri vəzifəsində işləmişdir . "Təfəkkür" universitetinin rektoru vəzifəsində çalışmışdır. 2018-ci ildən AMEA İqtisadiyyat İnstitutu baş elmi işçisi vəzifəsində işləmiş, hal-hazırda isə AMEA İqtisadiyyat İnstitutunun icraçı direktoru, AMEA İqtisadiyyat İnstitutu Müdafiə Şurasının üzvü və AMEA İqtisadiyyat İnstitutunun "İqtisadi Artım və İctimai Rifah" jurnalının baş redaktor müavinidir.

Təhsil sahəsindəki fəaliyyətinə görə Azərbaycan Respublikası Təhsil Nazirliyi və Azərbaycan Həmkarlar İttifaqı Konfederasiyasının fəxri fərmanları ilə təltif olunub. 2006-cı ildə isə Yeni Təhsil Sisteminin təkmilləşdirilməsində xidmətlərinə görə "Demokratik Azərbaycanlılar" İctimai Mərkəzinin Təşkilat Komitəsi tərəfindən "Qızıl Buta" Müstəqil Milli Mükafatına layiq görülmüşdür.

2010-cu ildə Elm, maarifçilik, mədəniyyət və informasiya sahəsində xidmətlərinə görə "Bilik" Maarifçilik, Mədəniyyət və İnformasiya Mərkəzi tərəfindən Akademik Yusif Məmmədəliyev adına medalla təltif olunmuşdur.

Azərbaycan Respublikası Təhsil Nazirliyi "Fəxri Fərmanı"

Azərbaycan Həmkarlar İttifaqı Konfederasiyası "Fəxri Fərmanı"

"Demokratik Azərbaycanlılar" İctimai Mərkəzi tərəfindən "Qızıl Buta" Müstəqil Milli Mükafatı

"Bilik" Maarifçilik, Mədəniyyət və İnformasiya Mərkəzi tərəfindən Akademik Yusif Məmmədəliyev adına medal

• Анализ финансовой деятельности буровых предприятий ПО "Азнефть" ,Москва, 1995, Изд."Нефть и газ" — 166 стр.
• Экономическая эффективность рационального использования производственных мощностей в бурения, Москва, 1997, Изд."Нефть и газ" — 103 стр.
• Əmlakın qiymətləndirilməsinin aktual məsələləri, "Mütərcim" nəşriyyatı, Bakı, 1997–178 s. (R. Ş. Hacıyev, V. C. Əliyev, Q. S. Bayramov, A. V. Babayev, E. S. Əsədov)
• Qazmada istehsalın iqtisadi səmərəliliyinin yüksəldilməsi problemləri, "Elm" nəşriyyatı, Bakı, 1997–193 s.
• Qazmada avadanlıqların təmiri və texniki xidmətin səmərəliliyinin yüksəldilməsi üzrə metodik göstəriş, ADNA, 1997–16 s.
• MİKRO və MAKRO iqtisadiyyat, "Təfəkkür" mətbəəsi, Bakı, 2000–508 s. (H. M. Abbasov, N. H. Abbasova)
• Ehtimal, statistika və riyazi proqramlaşdırma elementlərinin iqtisadiyyatda tətbiqi, "Təfəkkür" Nəşriyyat Poliqrafiya Mərkəzi, Bakı, 2001–112 s. (A. Ə. Abbasov)
• Концепция стратегического управления промышленностью нефтяного машиностроения, Баку, Элм, 2002–86 стр. (Г.С.Сулейманов)
• "İstehsalın təşkili və planlaşdırılmasının sistemli təhlili" fənni üzrə, ADNA, Bakı, 2003–29 s.
• Azərbaycanın yeni neft siyasəti və iqtisadi yüksəliş, "Azərbaycan" nəşriyyatı, Bakı, 2004–263 s.
• Təbiətdən istifadənin iqtisadiyyatı, Bakı, Təfəkkür, 2004–219 s.
• İnnovasiya menecmenti, Bakı, Təfəkkür, 2004–134 s. (Q. S. Süleymanov)
• Azərbaycan sosial-iqtisadi tərəqqi yolunda: tarixi reallıqlar, iqtisadi nailiyyətlər və siyası perspektivlər, "Təhsil" nəşriyyatı, Bakı, 2005–350 s.
• Maşınqayırma nüəssisələrində istehsalın təşkili, Dərslik. Bakı, 2006–260 s. (H. M. Abbasov, M. H. Abbasova)
• Azərbaycanın yeni neft siyasəti və iqtisadi inkişaf, "Azpoliqraf". Bakı, 2007 (ingilis dilində) — 380 s.
• İnvestisiya layihələrinin idarə edilməsinin təkmilləşdirilməsi mexanizmləri, Bakı, "Elm" nəşriyyatı, 2008–132 s. (Q. S. Süleymanov, F. F. Abdullayev)
• Azərbaycanın Avropa İttifaqı ölkələri ilə iqtisadi əlaqələrinin inkişaf xüsusiyyətləri, Bakı, "Elm" nəşriyyatı, 2009–70 s. (Q. S. Süleymanov)
• Torpaq hüququ, Bakı, "Apostof" çap evi, 2009 (C. Q. Nuriyev, Ə. T. Əsgərov)
• Maliyyə menecmenti, Bakı, "Azərnəşr", 2010–220 s. (N. M.. Şıxəliyeva, R. N. Nurəliyeva)
• Azərbaycanın müasir iqtisadi inkişaf strategiyası: Keçid iqtisadiyyatından modernləşməyə, Bakı, "Azərnəşr", 2010–600 s.
• İnformasiya iqtisadiyyatı, "Çənlibel" nəşriyyatı, Bakı, 2011–372 s. (Q. S. Süleymanov)
• Azərbaycan Respublikasının yanacaq-enerji kompleksinin inkişafı üzrə dövlət proqramından irəli gələn elmi-əməli fəaliyyət vəzifələrinə dair, "Azərnəşr", Bakı, 2011–130 s. (A. S. İsayev, R. Ə. Teymurova)
• İnvestisiya fəaliyyətinin təşkili, "Təfəkkür" mətbəəsi, Bakı, 2012–256 s. (R. N. Nuriyeva, N. H. Abbasova)
• The role of Azerbaijan in Evrope’s energy security, Çexiya, BRNO, 2014–516 p.
• The Role of "Southern Gas Corridor" in Energy Security of Europe, "International conference on informatization of economic and management processes". Brno International Business School, Czech Republic, 15 th September, 2016, 199–202 p.
• Toward a Mathematical Modelling of Economic Relationships, (Mendel university in Brno). Czech Republik, Brno, 2020–188 p. (Ivan Meznik)
• Beynəlxalq reytinqlərdə xidmət sahələrinin inkişaf göstəriciləri üzrə Azərbaycanın mövqeyinin daha da yaxşılaşdırılması istiqamətləri, Bakı, Elm və Bilik nəşr, 2021–175 s. (Kollektiv monoqrafiya)
• An applied mathematical approach for economic research, Mendel Univesrsity, Brno, 2021
• Sosial Tərəqqi İndeksi −2020: Azərbaycanın mövqeyinin yaxşılaşdırılması, Bakı," Elm və Bilik " PZ , 2021–102 s. (Kollektiv monoqrafiya)

İqtisadiyyatın müxtəlif aktual məsələlərinə həsr olunmuş 60-a qədər elmi məqalənin müəllifidir.

2 nəfər iqtisad elmləri doktoru, 16 nəfər iqtisad üzrə fəlsəfə doktoru