Gulnar Servetian - Wikipedia

Gülnar Sərvətian 1977-ci ildə Təbriz şəhərində anadan olmuşdur. Atası Bəhruz Sərvətian fars dili və ədəbiyyatı üzrə ixtisaslaşmış alim olmuş və universitetdə professor vəzifəsində çalışmışdır.

Gülnar Sərvətian kareyerasına qrafik dizayner və karukaturaçı kimi başlamışdır. 2006-cı ildən bu işlə peşəkar səviyyədə məşğul olmağa başlamışdır. O, İran daxilində təxminən 50 uşaq kitabı üçün illüstratorluq etmiş və müxtəlif nəşriyyatlarla çalışmışdır. Karikaturaçılıqdan və kitab illüstratorluğundan əlavə həvəskar səviyyədə rəsm əsərləri çəkməklə, hekayələr və poemalar yazmaqla da məşğuldur.^[1][2]

Gülnar Sərvətian Çində keçirilən Biennial Karikatura və Xəyal festivalında Braziliya, Rusiya, Polşa, Türkiyə, Meksika və İtaliya nümayəndələri ilə yarışda qalib gəlmişdir.^[3] O, həmçinin 2016-cı ildə "VII Beynəlxalq Karikatura Yarışı"nda "Berlin Oxuçu Mükafatı və Sertifikatı"na layiq görülmüşdür.^[4][5] Gülnar Sərvətian əsərləri XVI İtaliya Teatr Təsviri sərgisində fransalı, italiyalı, meksikalı və amerikalı rəssamların əsərləri ilə yanaşı nümayiş etdirilən 3 iranlı rəssamdan biridir.^[6][7][8][9]

• "VII Beynəlxalq Karikatura Müsabiqəsi"ndə "Oxuçu Mükafatı və Sertifikatı"
• "Beynəlxalq Əskişəhər Karikatura festivalı"nda seçilən əsər mükafatı
• "I Beynəlxalq Mərhəmətin peyğəmbəri Məhəmməd festivalı"nda ikinci yer
• "Şur və Şourda poster dizaynı festivalı"nda birinci yer
• "XIV Vizual İncəsənət festivalı"nda birinci yer
• "XIII Vizual İncəsənət festivalı"nda birinci yer
• "IV Beynəlxalq İdmanda Yumoristik Rəsmlər festivalı"nda seçilən əsər mükafatı
• "Beynəlxalq Karikatura Yarışı"nda seçilən başlıq mükafatı
• "Beynəlxalq Biennial Karikatura və İllüstrasiya Master Kuboku"nda seçilmiş mükafat
• "Belqrad İllüstratorlar Festivalı"nda seçilən əsər mükafatı^{[10][11][12][13][14]}

Sərvətian 40-dan çox uşaq kitabının və jurnalının illüstratoru olmuşdur. Bu kitablar arasında yazıçı və illüstratoru olduğu bu kitablar da vardır:

• Mūrcheh ( azərb. Qarışqa‎ ), Tehran: Maşgh-e Honar, 2012
• Būzīneh ( azərb. Meymun‎ ), Tehran: Maşgh-e Honar, 2012
• Parvāneh ( azərb. Kəpənək‎ ), Tehran: Maşgh-e Honar, 2012
• Gāv ( azərb. İnək‎ ), Tehran: Mashgh-e Honar, 2012
• Efrīt va Bāzargān ( azərb. Şeytan və tacir‎ ), Tehran: Maşgh-e Honar, 2012
• Fīl-hā va Parastū-hā ( azərb. Fillər və qaranquşlar‎ ), Tehran: Maşgh-e Honar, 2012
• Golparī, Tehran: Maşgh-e Honar, 2012
• Hodhod ( azərb. Şanapipik‎ ), Tehran: Mashgh-e Honar, 2012
• Mār ( azərb. İlan‎ ), Tehran: Maşgh-e Honar, 2012
• Ankabūt ( azərb. Hörümçək‎ ), Tehran: Maşgh-e Honar, 2012
• Nahang ( azərb. Balina‎ ), Tehran: Maşgh-e Honar, 2012

O, həmçinin bu orta məktəb dərsliklərinin həmmüəllifidir:

• Tarrāhi-e Nešāneh, Tasvīrgari-e Ketāb-e Kūdak va Nezārat-e Čāp ( azərb. İşarələrin, uşaq kitablarının illüstrasiyası və çap nəzarəti layihələndirilməsi‎ ), III çap, səhifə:79-140ref>Chap.sch.ir: طراحیِ نشانه، تصویرگری کتاب کودک و نظارتِ چاپ</ref>
• Rāhnamā-ye Honarāmūz; Tarrāhi-e Nešāneh, Tasvīrgari-e Ketāb-e Kūdak va Nezārat bar Čāp( azərb. Təlimat kitabçası; İşarələrin, uşaq kitablarının illüstrasiyası və çap nəzarəti layihələndirilməsi‎ ).^[15]

• İran azərbaycanlılarının siyahısı
• Cənubi Azərbaycan