1957 Avroviziya Mahni Musabiqesi - Wikipedia
1957 Avroviziya Mahnı Müsabiqəsi — ikinci Avroviziya Mahnı Müsabiqəsidir. Müsabiqə 3 mart 1957-ci ildə Almaniyanın Frankfurt şəhərində təşkil edilmişdir. Bu müsabiqə də ilk Avroviziya Mahnı Müsabiqəsi kimi radio verilişinə bənzəyirdi. Müsabiqədə İtaliya təmsilçisinin ifa etdiyi mahnının 5 dəqiqədən artıq, Böyük Britaniya təmsilçisinin ifa etdiyi mahnının isə cəmi 1 dəqiqə 30 saniyə olması bundan sonrakı müsabiqələrdə mahnılar üçün 3 dəqiqəlik limitin müəyyənləşdirilməsinə gətirib çıxarmışdır. 1957-ci ildə keçirilən Avroviziya Mahnı Müsabiqəsinin qalibi isə Niderland təmsilçisi olmuşdur.
| 1957 Avroviziya Mahnı Müsabiqəsi | |
|---|---|
 | |
| Final | 3 mart 1957 |
| Kanal |  ARD
|
| Keçirilən yer | Großer Sendesaal des hessischen Rundfunks Frankfurt, Qərbi Almaniya |
| Qalib mahnı |  Niderland"Net als toen" |
| Seçki sistemi | Hər bir ölkədən 10 münsif vardı. Onların hər biri yalnız bir bəyəndiyi mahnıya səs verə bilərdi |
| İştirakçıların sayı | 10 |
| İlk dəfə iştirak edən ölkələr |  Avstriya .svg){kind=small} Böyük Britaniya  Danimarka
|
İştirakçı xəritəsi
 İştirak edən ölkələr
| |
| Avroviziya Mahnı Müsabiqəsi | |
◄ 1956 .svg){kind=small} 1958 ►
| |
Keçirilən yer
redaktə
Adətən Frankfurt adlandırılan Frankfurt Mayn şəhəri Mayn çayının hər iki sahilində, Taynus dağının cənub-qərb yamacında yerləşir. Frankfurt-Mayn Hessen federasiyasının ən böyük şəhəridir. Şəhərin cənub hissəsinə Almaniyanın şəhərlərindəki ən böyük meşə olan Frankfurt şəhər meşəsi aiddir. Frankfurtun şəhər mərkəzi Mayn çayının şimal tərəfində yerləşir.
Frankfurtun İkinci dünya müharibəsində bombalanmasından sonra Frankfurt özünü Avropanın ən nüfuzlu maliyyə mərkəzlərindən birinə çevirdi. 1948-ci ildə Frankfurt Beynəlxalq Ticarət Yarmarkasının yaradılması ilə[1] 1950-ci illərə qədər davam edən şəhərin yenidən qurulması növbəti onilliklərdə şəhər üçün artım dövrü olmasını sübut etdi. Milli və beynəlxalq maliyyə institutlarının investisiyalar qoyması ilə 1957-ci ildə Frankfurtda ilk çoxmərtəbəli biznes binaları görünməyə başladı.[2]
İkinci müsabiqənin keçirilməsi üçün seçilmiş yer Großer Sendesaal des hessischen Rundfunks studiyası idi. Studiya Frankfurt Maynda yerləşən keçmiş televiziya studiyası və musiqi zalı idi. Bu Hessen Yayım kompaniyasının keçmiş qərargahı idi. Hal-hazırda bura musiqi zalı kimi istifadə edilir.[3][4]
Format
redaktəBu ilki müsabiqədə İtaliya təmsilçisinin mahnısı 5:09 dəqiqə davam etdiyi halda, Böyük Britaniya təmsiçinin mahnısı cəmi 1:52 dəqiqə davam etmişdir. Buna görə növbəti müsabiqələrdə mahnıların 3 dəqiqədən uzun olmaması şərti qoyulmuşdur, bu qayda hal-hazırda da mövcuddur.[5]
Əvvəlki müsabiqədən fərqli olaraq bu ilki müsabiqədə duetlərin iştirak etməsinə icazə verilmişdi. Danimarkalı təmsilçilər Birte Vilke və Qustav Vinkler müsabiqədə çıxış edən ilk duet olub. Öz çıxışlarının sonunda cütlük öpüşüblər, bu öpüş müsabiqə tarixindəki ən uzun müddətli öpüş olub.[5]
Bu, münsiflərin telefonla əlaqə saxladığı ilk müsabiqə idi. Həmçinin, bu müsabiqə Niderlandın qalib gəldiyi ilk müsabiqə idi. Başqa əhəmyyətli dəyişiklik münsiflərin öz ölkələrinin nümayəndələrinə səs verə bilməməsi idi. Bu qayda da indiyə kimi mövcuddur.[5]
İştirakçı ölkələr
redaktəBelçika, Fransa, Almaniya, İtaliya, Lüksemburq, Niderland və İsveçrə müsabiqədə ikinci dəfə təmsil olunurdular. Avstriya, Danimarka və Böyük Britaniya müsabiqədə debüt edirdilər. Bu ölkələr 1956-cı ildə də təmsil olunmaq istəsələr də, müraciət etdikləri tarix təyin olunmuş vaxtdan sonra olmuşdu.[5]
Bələdçilər
redaktəHər çıxışda orkestra rəhbərlik edən konduktor olmalı idi.[6]
Belçika - Uili Berkinq
Lüksemburq - Uili Berkinq
Böyük Britaniya - Erik Robinson
İtaliya - Armando Trovajoli
Avstriya - Karl de Qruf
Niderland - Dolf van der Linden
Almaniya - Uili Berkinq
Fransa - Paul Durand
Danimarka - Kay Mortensen
İsveçrə - Uili Berkinq
Nəticələr
redaktə| # | Ölkə | Dil[7] | Müğənni(lər) | Mahnı | Azərbaycanca | Yer[8] | Xal |
|---|---|---|---|---|---|---|---|
| 01 | .svg){kind=small} Belçika
|
Niderlandca | Bobbeyan Sxopen | "Straatdeuntje" | Küçə melodiyası | 8 | 5 |
| 02 |  Lüksemburq
|
Fransızca | Daniel Düpre | "Amours mortes (tant de peine)" | Ölü sevgi | 4 | 8 |
| 03 | Böyük Britaniya
|
İngiliscə | Patrisiya Bredin | "All" | Bütün | 7 | 6 |
| 04 |  İtaliya
|
İtalyanca | Nunçio Qallo | "Corde della mia chitarra" | Gitaramın simləri | 6 | 7 |
| 05 | Avstriya
|
Almanca | Bob Martin | "Wohin, kleines Pony?" | Kiçik poni hardadır? | 10 | 3 |
| 06 | Niderland
|
Niderlandca | Kori Brokken | "Net als toen" | Deyərkən | 1 | 31 |
| 07 | Almaniya
|
Almanca | Marqo Hilşer | "Telefon, Telefon" | Telefon, telefon | 4 | 8 |
| 08 |  Fransa
|
Fransızca | Pol Dejarden | "La belle amour" | Gözəl sevgi | 2 | 17 |
| 09 | Danimarka
|
Danca | Birte Vilke və Qustav Vinkler | "Skibet skal sejle i nat" | Gəmi bu gecə hərəkət edəcək | 3 | 10 |
| 10 |  İsveçrə
|
Fransızca | Liz Assia | "L'enfant que j'étais" | Mən uşaq idim | 8 | 5 |
Səsvermə cədvəli
redaktə| Səsvermə nəticələri | |||||||||||
|---|---|---|---|---|---|---|---|---|---|---|---|
| Cəmi |
|
|
|
|
|
|
|
|
|
| |
| Belçika | 5 | 2 | 2 | 1 | |||||||
| Lüksemburq | 8 | 1 | 4 | 3 | |||||||
| Böyük Britaniya | 6 | 1 | 1 | 1 | 1 | 2 | |||||
| İtaliya | 7 | 1 | 1 | 2 | 2 | 1 | |||||
| Avstriya | 3 | 2 | 1 | ||||||||
| Niderland | 31 | 5 | 3 | 1 | 1 | 6 | 1 | 4 | 3 | 7 | |
| Almaniya | 8 | 1 | 1 | 6 | |||||||
| Fransa | 17 | 2 | 4 | 2 | 1 | 6 | 2 | ||||
| Danimarka | 10 | 2 | 3 | 5 | |||||||
| İsveçrə | 5 | 1 | 1 | 1 | 2 | ||||||
Beynəlxalq yayımlanma və səsvermə
redaktəAşağıdakı siyahıda hər bir ölkənin verdiyi səsləri açıqlayan nümayəndələrin adı ardıcılıqla qeyd olunub. Hər bir yayımlayan kanal həmçinin müsabiqənin öz dillərində şərh edilməsi üçün müsabiqəyə şərhçi göndərmişdi.[9]
Səsvermə və nümayəndələrredaktə
|
Şərhçilərredaktə
|
Həmçinin bax
redaktəİstinadlar
redaktə- ↑ "Reconstruction and the "Frankfurter Principle"". Messe Frankfurt. 27 May 2014 tarixində orijinalından arxivləşdirilib. İstifadə tarixi: 20 October 2012.
- ↑ "Frankfurt City History". Tourist Information Offices Frankfurt. 2013-09-14 tarixində orijinalından arxivləşdirilib. İstifadə tarixi: 20 oktyabr 2012.
- ↑ "Location database - Großer Sendesaal des hessischen Rundfunks". film-commission-hessen.de. 2013-05-01 tarixində orijinalından arxivləşdirilib. İstifadə tarixi: 12 iyun 2012.
- ↑ "Die singende Richterin: Corry Brokken" (alman). Eurovision.de. 2014-05-12 tarixində arxivləşdirilib. İstifadə tarixi: 12 iyun 2012.
- ↑ 1 2 3 4 "Eurovision Song Contest 1957". Avropa Yayım İttifaqı. 2016-09-13 tarixində arxivləşdirilib. İstifadə tarixi: 11 iyun 2012.
- ↑ "Arxivlənmiş surət". 2018-05-13 tarixində arxivləşdirilib. İstifadə tarixi: 2014-02-10.
- ↑ "Eurovision Song Contest 1957". The Diggiloo Thrush. 2018-03-05 tarixində arxivləşdirilib. İstifadə tarixi: 10 fevral 2014.
- ↑ "Scoreboard results". Eurovision Song Contest 1957. Avropa Yayım İttifaqı. 2016-09-13 tarixində arxivləşdirilib. İstifadə tarixi: 10 fevral 2014.
- ↑ "Eurovision 1957 Cast and Crew". IMDb. 2013-09-26 tarixində arxivləşdirilib. İstifadə tarixi: 5 mart 2012. (#apostrophe_markup)
- ↑ "Concours Eurovision de la Chanson 1957" (fransız). Songcontest.free.fr. 18 Sentyabr 2006. 2012-07-19 tarixində arxivləşdirilib. İstifadə tarixi: 5 mart 2012.
- ↑ "Nederlandse televisiecommentatoren bij het Eurovisie Songfestival". Eurovision Artists (Niderland). 2019-06-24 tarixində arxivləşdirilib. İstifadə tarixi: 2014-02-13.
- ↑ Leif Thorsson. Melodifestivalen genom tiderna ["Melodifestivalen through time"] (2006), p. 10. Stockholm: Premium Publishing AB. ISBN 91-89136-29-2
