Edile Namazova - Wikipedia

Edile Namazova

Ədilə_Namazova - Haqqında Məlumat

Ədilə Namazova (bəzi mənbələrdə:Adilə Namazova, tam adı: Ədilə Əvəz qızı Namazova; 9 sentyabr 1926, Seyidli – 16 dekabr 2020^[1]^[2], Bakı) — Azərbaycan pediatrı, kardioloq. Tibb elmləri doktoru (1965), professor (1966), SSRİ Tibb EA-nın müxbir üzvü (1971), Əməkdar elm xadimi (1981), Azərbaycan EA-nın həqiqi üzvü (1983), Rusiya Federasiyası Tibb EA-nın həqiqi üzvü (1993), Azərbaycan SSR Dövlət mükafatı laureatı (1982).

Adilə Namazova
Namazova Ədilə Əvəz qızı

Doğum tarixi	9 sentyabr 1926(1926-09-09)
Doğum yeri	Seyidli, Azərbaycan
Vəfat tarixi	16 dekabr 2020(2020-12-16)^[1]^[2] (94 yaşında)
Vəfat yeri	Bakı, Azərbaycan
Elm sahəsi	pediatriya^[3]
Elmi dərəcəsi	tibb elmləri doktoru
Elmi adı	professor
İş yerləri	Azərbaycan Tibb Universiteti, 1-ci Uşaq xəstəlikləri kafedrasının müdiri
Təhsili	Azərbaycan Tibb Universiteti
Tanınmış yetirmələri	72-fəlsəfə doktoru 12-elmlər doktoru
Tanınır	Uşaq xəstəliklərinin öyrənilməsi;
Üzvlüyü	Azərbaycan Milli Elmlər Akademiyası
Mükafatları	1982 2011 1996

Həyatı

redaktə

Ədilə Namazova 1926-cı ildə Ağdam rayonunun Seyidli kəndində anadan olmuşdur. Orta təhsilini Ağdamda almış, 1949-cu ildə Azərbaycan Dövlət Tibb İnstitutunu bitirmişdir. Əmək fəaliyyətinə Ağdam rayon mərkəzi xəstəxanasında başlamışdır.

1965-ci ildən Azərbaycan Dövlət Tibb İnstitutunun klinik pediatriya kafedrasının müdiridir. 1965-ci ildə tibb elmləri doktoru dərəcəsi almışdır. 1971-ci ildə SSRİ Tibb Elmləri Akademiyasının müxbir üzvü seçilmişdir. Hazırda Rusiya Federasiyası Tibb Elmləri Akademiyasının üzvüdür.

1982-ci ildə Azərbaycan SSR Dövlət Mükafatına layiq görülmüşdür. AMEA-nın həqiqi üzvüdür. 1976-cı ildən Azərbaycan Pediatrlar Cəmiyyətinin sədridir.

Azərbaycan Respublikası Prezidenti yanında Ali Attestasiya Komissiyasının rəyasət heyətinin üzvü, Türkdilli Ölkələrin Pediatrlar Cəmiyyətinin vitse-prezidentidir. SSRİ Ali Sovetinin deputatı olmuşdur.

Adilə Namazovanın tədqiqatları uşaqlarda revmatizmin fəal dövründə ürəyin funksional vəziyyətinin, ürək arakəsmələrinin anadangəlmə qüsurlarının xüsusiyyətlərinin öyrənilməsi olmuşdur. O, ürək üzərində cərrahi əməliyyata — korreksiyaya göstəriş və əks-göstərişi müəyyənləşdirmiş, ilk dəfə olaraq ürəkdə aparılmış cərrahi əməliyyatların yaxın və uzaq dövrlərdə nəticələrini qiymətləndirmişdir.

Azərbaycanın ilk qadın pediatr alimi sayılır. 300 elmi əsərin, 8 monoqrafiya və dərsliyin, 5 ixtiranın müəllifidir.

SSRİ Tibb Elmləri Akademiyasının müxbir üzvü olmuşdur.

Mükafatları

redaktə

"Azərbaycan SSR əməkdar elm xadimi " fəxri adı — 1981
Azərbaycan SSR əməkdar həkimi — 1982
"Azərbaycan SSR dövlət mükafatı" fəxri adı — 1982
""Vladimir İliç Leninin anadan olmasının 100 illiyi münasibətilə" yubiley medalı" fəxri adı — 1970
"Sağlamlığın qorunmasında fərqlənmə görə medalı" — 1979
"ÜİLKGİ Mərkəzi Komitəsinin "Fəxri Fərmanı" — 1945
"Səhiyyə əlaçısı — 1975
"Şöhrət" ordeni — 14 sentyabr 1996
""Şərəf" ordeni — 2011
"Azərbaycan Respublikası Prezidentinin fəxri diplomu — 2016
"Akademik. M. Topçibaşov mükafatı laureatı və medalı — 2005
" Azərbaycan Milli Elmlər Akademiyasının "Akademik Miəsədulla Mirqasımov mükafatı" — 2016
"Rusiya Pediatrlar İttifaqının "Akademik G. Speranski Medalı" — 2016
"Moskvanın və bütün Rusiyanın Patriarxının "Müqəddəs Çar Dimitri" ordeni — 2007

Tədqiqat sahələri

redaktə

Uşaq xəstəliklərinin öyrənilməsilarda revmatizmin fəal dövründə ürəyin funksional vəziyyətinin öyrənilməsi;
Uşaqlarda ürək arakəsmələrinin anadangəlmə qüsurlarının xüsusiyyətlərini öyrənilməsi, ürək üzərində cərrahi əməliyyata-korreksiyaya göstəriş və əks göstəriş müəyyənləşdirilməsi;
İlk dəfə olaraq ürəkdə aparılmış cərrahi əməliyyatların yaxın və uzaq dövrlərdə (20 il) nəticələrinin qiymətləndirilməsi;
Hipertoniya və hipotoniya xəstəlikləri uşaq və yeniyetmə yaşlarından başlayaraq insanın həyatı boyu bu və ya digər kəskinlikdə davam etdiyinin dünyada ilk dəfə olaraq sübut edilməsi;
İlk dəfə olaraq hipertoniya və hipotoniya xəstəliklərinin uşaqlarda və yeniyetmələrdə təsnifatı.