Istifadeci Muzakiresi Muselmanislam - Wikipedia

Salam. Zəhmət olmasa məqalədə yalnız və yalnız etibarlı-obyektiv-bitərəf mənbələrdən istifadə edin. Hökumətmeilli mənbələrlə qarşıdurma tərəfləri arasında fərq qoymayın. Vikipediya obyektiv-bitərəf və ən əsası məlumat xarakterli açıq ensiklopediyadır. Və bura da Azərbaycan Respublikasının Vikipediyası yox Azərbaycanca Vikipediyadır. Ona görə də, Azərbaycan hökumətinin tərəfini saxlamaq əvəzinə səlis məlumatlar verin.--Müsəlmanislam (müzakirə) 09:24, 1 dekabr 2015 (UTC)Cavabla

Salam. Məlumatlar mövcud olan mənbələrə əsasən verilir. Əgər verilən məlumata qarşı digər məlumat varsa, onu da verə bilərik və bu zaman müəyyən attribusiyadan istifadə edə bilərik (filan qurumun dediyinə görə və s.). Ancaq bu o demək deyil ki, biz nəyisə oxuculardan gizlətməliyik. Məsələn, Gəncədə saxlanılanların "Müsəlman birliyi" hərəkatın üzvlərinə dəstək etməsini, və ya məhv edilənlərdən birinin ayaqlarında svastika nişanlarının aşkar olunmasını və s. Bu faktlardı və fakt kimi də təqdim olunmalıdır. Eləcə də, əməliyyatın "sakinlərə qarşı" yox, məhz silahlı dəstəyə qarşı keçirilməsi faktı kimi. Dinc sakinlər polisləri öldürmür. Bunu da oxuculara məhz belə təqdim etmək lazımdır. --Interfase (müzakirə) 10:03, 1 dekabr 2015 (UTC)Cavabla

1) Niyə polisin öldürülməsinə məhv edilmək yox, məhz sakinlərin öldürülməsinə məhv edilmək yazırsız ? Silahlı qarşıdurma deyirsiz. Görmüsüz silahlı qarşıdurmanı ? Nə bilirsiz təkcə əməliyyatçıların silahlı olmadığını ? Bəlkə yalnız əməliyyatçılar silahlı olub ? Nə bilirsiz ? Nə bilirsiz ki, əməliyyat keçirilən şəxslər qəsəbə sakini deyildi ? Ölən, yaralanan və həbs edilənlərin hamısı qəsəbəyə sonradan gəlmələrdi ? Əməliyyat sırf qəsəbə sakinlərinə qarşı keçirilib. Qəsəbə meydanında keçirilməyib əməliyyat. Nardaran qəsəbəsində daimi qeydiyyatda olan və orada daimi yaşayan Əbülfəz Bünyadovun evinə keçirilib. O ki qaldı silaha, siz evdəki odun baltasına silah deyirsizsə o zaman Azərbaycan qəsəbə və kənd əhalisinin 90 %-inin evinə əməliyyat keçirtmək lazımdır. Nakolkaya gəldikdə isə bunun məqaləyə nə aidiyyatı var ? Zəhmət olmasa əvvəlcə bunu deyin. Ölən polislərin hansının harasında nə var idi yazmısız ? Ya ümumiyyətlə hansı vikidə hansı münaqişə məqaləsində tərəflərdən hansınınsa üzvlərinin bədəninin bu cür "skaner edildiyini" görmüsüz ? Belə çıxır ki, siz oxucuda hansısa rəy yaratmağa çalışırsız ?--Müsəlmanislam (müzakirə) 21:16, 1 dekabr 2015 (UTC)Cavabla

Birincisi, tərəflər arasında atışmanın olması bir faktdır. Bunu həm hadisənin şahidləri həm də rəsmilər təsdiqləyir. İki nəfər polis də "odun baltası" ilə vurmayıblar, avtomatdan atılan atəş ilə öldürüblər. Bu da atışmanın olmasının sübutudur. İkincisi, əməliyyatın "sakinlərə" qarşı keçirilməsini demək düzgün deyil. Əgər belə olsaydı, niyə məhz müəyyən obyekt seçilib. Həmçinin öldürülənlərdən cəmi 3-ü Nardaran sakini olub, 1-i Gəncə, digəri isə Masallı sakini olub. Biz gərək faktları təqdim edək. Fakt isə ondadır ki, silahlı qarşıdurma olub, deməli qarşı tərəfdə də silah olub. O ki qaldı döymə barədə məlumata, bu xəbər KİV-də geniş yayımlanıb və ictimayyətdə müəyyən rezonansa səbəb olub. Deməli biz də bunu təqdim edə bilərik. Heç bir "rəy yaratmaq" barədə söz gedə bilməz. Nə informasiya varsa, hamısı müəyyən həcmdə əhəmiyyətindən asıllı olaraq təqdim olunmalıdır. Oxucu isə özü qərar verməlidir, nəyi necə qəbul etsin. --Interfase (müzakirə) 21:29, 1 dekabr 2015 (UTC)Cavabla

Sübut edin ki, məhz qarşılıqlı atışma olub. Hansı hadisə şahidi?! Əməliyyat Əbülfəz Bünyadovun evində keçirilib. Bu şəxsin yaxın qohumu olan Qara Bünyadovun geniş müsahibəsinə buyurun buradan baxın. Sübut edin ki iki polisi məhz qarşı tərəf atəş açaraq öldürüb, öz də avtomatla. Sübut edin. Öldürülənlərdən 3-ünün Nardaran sakini olması sizin üçün sübut deyilmi ki, əməliyyat məhz sakinlərə qarşı keçirilib?! Heç kim demir ki, əməliyyat bütün Nardaran əhalisinə qarşı keçirilib. Amma fakt Nardaran sakinlərinə qarşı keçirilib. + Yaralıların da hamısı Nardaranlıdır. Kifayət deyil mi ? ++ Əməliyyatdan həmən sonra günlərlə meydana toplaşan Nardaran sakinləri deyildimi? Bəlkə onlar da silahlı terrorçular idi ? Gərək elə bütün qəsəbəni qırardılar ki, biz digər tərəf kimi sakinləri götürəydik ? "Fakt qarşıdurma olub" cümləsini təkrar-təkrar deməyin bir mənası yoxdur. İki nəfərin əlbəyaxa olması da qarşıdurmadır. Burada söhbət hər iki tərəfin də sialhlı olması qarşıdurmasından gedir. Fakt Nardaran qəsəbəsinin Ağsaqqallar Şurasının sədri Hacı Natiq Kərimli deyir ki, “Bilsəm Nardaranda kimdəsə silah var, alıb təpəsinə vuraram” [1]. Hər kəs də çox gözəl bilir ki, Hacı Natiq o qəsəbədə hansı mövqedə bir insandır.--Müsəlmanislam (müzakirə) 22:04, 1 dekabr 2015 (UTC)Cavabla

Məqalənin adını hansısa rəsmi məlumata görə niyə dəyişirsiz ? Yenə deyirəm bura Azərbaycan Respublikasının Vikipediyası deyil Azərbaycanca Vikipeidyadır. Bura rəsmi dövlət agentliyi deyil. Ola bilər sənəd üzərində Taleh Bağırzadənin soyadı Bağırov getsin. Amma fakt azərbaycandilli əhali arasında və azərbaycandilli KİV-də bu şəxs Bağırzadə olaraq tanınır. Əsas olan da budur. Tanınma. Sənədə qalsa Əbülfəz Elçibəy əsil soyadı Əliyev, Mirzə Ələkbər Sabirin isə Tahirzadə olub. Onda o məqalələrin də adlarını dəyişək ?--Müsəlmanislam (müzakirə) 20:51, 1 dekabr 2015 (UTC)Cavabla

Razı ola bilmərəm. KİV-də bu şəxs həm Bağırov həm də Bağırzadə kimi tanınır. Rəsmən isə Bağırov kimi gedir. Bu onu göstərir ki, onun adı şəxsiyyət vəsiqəsində də bu cür gedir. Adının dəyişdirilməsi barədə isə bizdə məlumat yoxdur. Əhalinin isə necə adlandırılması əsas ola bilməz (kim necə istəyir elə də çağırır). Əsas olan mənbələrdir. Rəsmi mənbələr isə daha etibarlı mənbə kimi sayılır. Elçibəy və Sabir ilə müqaisəni uyğunsuz hesab edirəm. Bunlar rəsmi sənədlərdə və akademik publisistikada elə Elçibəy və Sabir təxəllüsləri altında gedirlər. --Interfase (müzakirə) 20:56, 1 dekabr 2015 (UTC)Cavabla

Google-da axtarış nəticələrindəki nəticə kəskin fərqlənmir: Tale Bağırzadə 229 000, Taleh Bağırzadə 135 000, Tale Bağırov 221 000, Taleh Bağırov 228 000. O zaman bu məsələ qalsın.--Müsəlmanislam (müzakirə) 21:22, 1 dekabr 2015 (UTC)Cavabla

Mən də elə bunu deyirəm. Axtarış vasitələti əsasən KİV-ləri üzə çıxarır. Onlar isə hər iki variantdan geniş istifadə edirlər. --Interfase (müzakirə) 21:31, 1 dekabr 2015 (UTC)Cavabla