"Dermatomikozlar "

Ucuz Reklam yerləşdir
Ana Səhifə Qadın Dünyası Dermatomikozlar
Dermatomikozlar
Dermatomikozlar
Dermatomikozlar müxtəlif göbələklərlə dəridə əmələ gələn xəstəliklərdir.Xəstəlik dərinin qaşınması və səpgilərlə müşahidə edilir.Xəstəliyin gedişi dermatomikozu əmələ gətirən göbələklərin xarakter xüsusiyyətinə uyğun olaraq dəyişə bilir.Xəstəlik istilik sevən göbələklər tərəfindən əmələ gəldiyinə görə ən çox isti havalarda və əsasən dərinin bükük hissələrində baş verir.Qoltuqaltı,barmaqların arası,aralıq nahiyə,qadınlarda döşün alt hissəsi,daban hissə dermatomikozun ən çox inkişaf etdiyi nahiyə hesab edilir.
Dermatomikozlar barmaqların arasında əmələ gəldikdə qaşınma və həmin nahiyədə nəmliyin olması ilə müşahidə edilir.Daban hissədə isə dermatomikozlar həmin nahiyənin dərisinin strukturunun dəyişməsinə səbəb olur.Bu zaman prosesə infeksiya törədən bakteriyalar da qarışır.Buna ən çox yaşlı qadınlar arasında rast gəninir ki,mütəxəsisslər səbəbini dabanın qan dövranın pozulması ilə əlaqələndirirlər.
Dermatomikozlara başın tüklü hissəsində də rast glmək olur.Bu zaman xəstəlik özünü zəif qaşınma və dəridə qızartılarla biruzə verir.Bu zaman həmin hissənin tüklərinin tökülməsi müşahidə edilir.
Dəri nahiyəsində əmələ gələn dermatomikoz özünü dəridə açıq-çəhrayı səpgilərin olması ilə biruzə verir.Bəzən səpgilər dairəvi və ya oval şəkildə olur və qaşınır.
Xəstəliyə diaqnozun qoyulmasında xəstəliyin orqanizmdə əmələ gətirdiyi əlamətlər və yaxmanın nəticələri əsas götürülür.Qanın analizində müxtəlif göbələklərə qarşı antitelərin tapılması xəstəliyin diaqnozunu təsdiqləyir.
Müalicə zamanı antifunqal preparatlardan və bakteriya əleyhinə dərman müalicəsi tətbiq edilir.
Milli.Az /news.milli.az
Ana Sehife - Xeberler
Axtarış Buludu: Dermatomikozlar
Qadin Dunyasi
Len.Az - Mobil Yükləmə PortalıOnline: 2/44
DMCA.com Protection Status mobtop.az